Mataio 25:16 - Te B'aib'ara

¹⁶ Teuare e anganaki nimaua te tarena e aki tab'ara ma e a nako naba ni kam'akuria, ao e karekea rakana ae nimaua riki te tarena.

Mataio 25:16 ပူးပေါင်းရင်းမြစ်များ

1.Rongorongo 28:2

Ngke a bane aomata ikekei, ao e teirake Tawita ao e taku: Ongora irou, au aomata. I tangiria ni karaoa te tabo ike e na kaawakinaki iai te Atiniberita, b'a ti aonga ni konaa n nako n taromauria te UEA ae Atuara iai. I a tia ni katauraoi b'aai ni kabane i bukin karaoan te Tembora,

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Mataio 18:24

Ngke e moana ana kaeti-b'ai, ao e kairaki nako ina temanna ae riai b'a e na anganna 50 te mirion te m'ane ae te tirewa.

Mataio 25:17

Ao ai aron naba teuare anganaki uoua te tarena, b'a e karakaa riki uoua te tarena.

Ruka 19:13

Ma i m'aini m'anangana, ao e weteia ana toro ake tengaun, ao e anganiia aia m'ane tabeua. Ao e taku nako ia, “Kam na kabonganaa ni manga karekea riki te m'ane ni karokoa okiu.”

M'akuri 13:36

B'a ngke e a tia Tawita n tou mwin nako ana taeka te Atua n ana roro, ao e mate, ao e kaweneaki rab'atana i rarikiia ana bakatibu, ao e mka rab'atana.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

2.Timoteo 2:6

Te tia ununiki ae m'am'akuri boni ngaia ae e riai n reke nakoina te moa n tib'a n uaan aroka ngkana a taiaki.