Mataio 25:1 - Te B'aib'ara

¹ N te tai arei, ao Uean te Atua ai aroia tengaun ateiaine, ake a anai aia taura ao a oti nako ni butim'aea teuare te tia iein.

Mataio 25:1 ပူးပေါင်းရင်းမြစ်များ

Taian Areru 45:14

E kairaki nakon te uea ma kunnikaina ae mataraoi i aona; Ao e iraki nakon te uea irouia taani katoa aika aine, ao ni uotaki naba ngaiia nako ina.

Ana Anene Toromon 1:3

ao ko rangi ni boiarara. A bane ataeinaine n tataaniko; kaanga ai aron kianakon te boiarara tataekinan aram.

Ana Anene Toromon 5:16

E karewerewe ana kiiti. I rangi ririkanaia! Ataeinainen Ierutarem, bon au tangira ao raoraou.

Ana Anene Toromon 5:8

Ataeinainen Ierutarem, ngkana kam noora teuare I tangiria, ao I butingkami b'a kam na kaangai nakoina, “E a mamaara i bukin b'aruam.”

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Mataio 13:24

E a manga tuangiia te rongorongo ni kabotau teuana, ao E kangai, Uean te Atua e kona ni kabotauaki ma te aomata are uniki koraa n uita aika raraoi i abana.

Mataio 13:31

E a manga tuangiia te rongorongo ni kabotau teuana, ao E kangai, Uean te Atua ai aron uaan te m'akeke, are e anaia te aomata ao e unikia i abana.

Mataio 13:38

Nnen aroka bon te aonnaba; ao uaa ake a raraoi bon aomata aika kaain Uean te Atua; titania bon te koraki ake ana aomata teuare buakaka,

Mataio 13:47

Ao manga aio: Uean te Atua ai aron te karaun are kab'akaki i nanon te nama, ao a reke iai ika n aekaia nako;

Mataio 20:1

B'a Uean te Atua ai aron te aomata ae atun te mwenga teuana. E nako teuarei ngke e a tib'a ingabong n anaia aomata ake a na m'akuri ni nen arokana te kureebe.

Mataio 22:2

E a kona ni kabotauaki Uean te Atua b'a kaanga ai aron te uea, are karaoa te am'arake ni baka i bukin natina te mm'aane.

Mataio 25:7

A bane n tei rake ngkanne ateiaine akekei, ao a kauram'aakai aia taura.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Mataio 9:15

E taku Iesu nako ia: A kona n nanokawaki aomata ake a kaoaki b'a iruwa nakon te mare, ngkae e raoniia te tia iein? Ane a na roko boong, ane e na uotaki nako iai te tia iein mai rouia, ao anne ngkanne aia tai n aki mamatam.

Ioane 18:3

Ma ngaia are, ngke a roko i rouna tautia tabem'aang ma bureitimanin te Tembora ake a kanakoaki irouia ibonga ma B'aritaio, ao e kairia nakon te ne n aroka, ma uotaia taura ma ooi ma b'ai ni buaka.

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

M'akuri 20:8

E bati te taura n te ru are i eta are ti botaki iai.

1.I-Korinto 11:2

I kamoamoaingkami, ngkai kam ururing baike I karaoi ao I reireiningkami iai, ao ngkai kam iri nanon taeka n reirei ake I a tia n anganingkami.

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

Te Kaotioti 19:7

Ti na kim'areirei ma ni kakatonga, ao ti na neboia. B'a e a roko ana tai ni mare te Tiibuteteei, ao e a tia ni katauraoia neiere E na mareaki ma ngaia.

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.

Te Kaotioti 21:9

Ao e roko te anera temanna mai buakoia anera ake itiman, ake iai i rouia boora ake itiua, ake a on ni b'aai ni kamamate ake itiua; ao e taetae nako iu, ni kaangai, “Mai ikai, N na kaota te aine are nangi mareaki, are na riki b'a buun te Tiibuteteei.”

Te Kaotioti 4:5

Ao man te kaintokanuea a nako iti ma b'ana ma rebwerebwen te baa; ao i nanoaan te kaintokanuea a mena iai itiai kaai aika teke i taboia n tatabeua nako baika ura n te ai: bon tamnei ake itiman ake mairoun te Atua.

Te Kaotioti 8:10

Ngke e katanga ana bu te anera are te kateniman, ao e b'aka mai karawa te itoi ae ab'ab'aki, ae ura n ai aron te oi, ao e b'aka i aoni kateni-m'akoroni m'aitini karaanga, ao i aoni koburaken raan.