Mataio 24:44 - Te B'aib'ara

⁴⁴ Ma ngaia ae kam riai naba ni b'aina te tauraoi; b'a ae E na roko Natin te Aomata n te aoa are kam aki kaantaningaia iai.

Mataio 24:44 ပူးပေါင်းရင်းမြစ်များ

Mataio 24:27

B'a aron te iti ngkana e iti mai mainiku, ma n oota ni wairio, ao ai aron naba rokon Natin te Aomata.

Mataio 24:42

Ma ngaia ae kam na kamarurungngkami n tantani, b'a kam aki ata te bong are E na roko iai te Uea.

Mataio 24:43

Ma kam na ata aei, b'a ngke arona b'a teuare ana auti te auti e a kaman ataia b'a n ningai te tai are e na roko iai te tia ira, ao e na bon tantani, ao e na aki angan te tia ira ana tai ni karekea kawaina n urua te auti b'a e na rin iai.

Mataio 25:10

Ao ngke a nako ni kaboa te b'a, ao e roko te tia iein, ao nake a tauraoi a rin ma ngaia nakon te am'arake ni baka i bukin te mare, ao e kainaki te mataroa.

Mataio 25:13

Ma ngaia ae kam na tantani, b'a kam aki ata te bong ke te aoa arei.

Ruka 12:39

Ma kam na ata aei, b'a ngke arona b'a te aomata are ana auti te auti e a kaman ata te aoa are e na roko iai te tia iraa, ao e na kamarurungnga n tantani b'a e na aki karekea ana tai te tia iraa n urua oon te auti b'a e na rin.

Ruka 12:40

Ao ngkami naba, kam na b'aina te tauraoi; b'a ane na roko Natin te Aomata n te aoa are kam aki kantaningaia b'a E na roko iai.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

I-Biribi 4:5

Ke e ataaki aromi n taotaonaki n nano irouia aomata ni kabaneia. E a kaan roko te UEA.

Iakobo 5:9

Taari, kam na tai i b'angantaeka, b'a a kaawa ni motikaki taekami; noria, e a kaan te tia motiki-taeka b'a ae E a kani kaoti.

Te Kaotioti 19:7

Ti na kim'areirei ma ni kakatonga, ao ti na neboia. B'a e a roko ana tai ni mare te Tiibuteteei, ao e a tia ni katauraoia neiere E na mareaki ma ngaia.