Mataio 24:43 - Te B'aib'ara

⁴³ Ma kam na ata aei, b'a ngke arona b'a teuare ana auti te auti e a kaman ataia b'a n ningai te tai are e na roko iai te tia ira, ao e na bon tantani, ao e na aki angan te tia ira ana tai ni karekea kawaina n urua te auti b'a e na rin iai.

Mataio 24:43 ပူးပေါင်းရင်းမြစ်များ

Iobi 24:16

A nini auti taani kimoa n te tairiki, ao a karabaia n te ngaina ni b'angaia i nanon te tabo ae akea te oota iai.

Taeka n Rabakau 7:19

Are e m'ananga nako buu ao e a rangi n raroa nako.

Mataio 14:25

I marenan te aoa tenua ma onoua n te karangaina, ao E nako ia Iesu n nakonako i aon te nama.

Mataio 20:11

Ngke e reke i rouia booia, ao a ngurengure iroun teuare kam'akuriia,

Mataio 24:42

Ma ngaia ae kam na kamarurungngkami n tantani, b'a kam aki ata te bong are E na roko iai te Uea.

Mataio 24:44

Ma ngaia ae kam riai naba ni b'aina te tauraoi; b'a ae E na roko Natin te Aomata n te aoa are kam aki kaantaningaia iai.

Mataio 25:10

Ao ngke a nako ni kaboa te b'a, ao e roko te tia iein, ao nake a tauraoi a rin ma ngaia nakon te am'arake ni baka i bukin te mare, ao e kainaki te mataroa.

Mataio 25:13

Ma ngaia ae kam na tantani, b'a kam aki ata te bong ke te aoa arei.

Mareko 13:35

Ma ngaia ae kam na kamarurungngkami, b'a kam aki ata te tai are e na roko iai mataniwin te auti, b'a tao e na roko n te moa n tairiki, ke n te nukanibong, ke i mwin te nukanibong, ke n te moa n ingabong.

Mareko 6:48

E noriia ana reirei b'a a kainano ni bwenarina, b'a e kauntabaia te ang. Ma ngaia are ngke tao marenan te aoa tenua ma onoua n te karangaina, ao E kawariia n nakonako i aon te ran. Ngke E ri rarikiia b'a E nang taonnako,

Ruka 12:38

Ngkana e roko n te nuuka ni bong ke n te karangaina, ao e noriia b'a a tantani, ao a kab'aia tooro akanne.

Ruka 12:39

Ma kam na ata aei, b'a ngke arona b'a te aomata are ana auti te auti e a kaman ata te aoa are e na roko iai te tia iraa, ao e na kamarurungnga n tantani b'a e na aki karekea ana tai te tia iraa n urua oon te auti b'a e na rin.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.