Mataio 24:36 - Te B'aib'ara

³⁶ Ma akea ae ata rokon te bong arei, ma te aoa arei, ao a aki ataia naba anerani karawa; ao E aki ataia te Nati, ma ti te Tama ae ataia.

Mataio 24:36 ပူးပေါင်းရင်းမြစ်များ

Tekaria 14:7

Ao E a tia ni baaireia te UEA te tai are e na koro iai bukina-tain te bong ae akea tokina aei.

Mataio 24:42

Ma ngaia ae kam na kamarurungngkami n tantani, b'a kam aki ata te bong are E na roko iai te Uea.

Mataio 24:44

Ma ngaia ae kam riai naba ni b'aina te tauraoi; b'a ae E na roko Natin te Aomata n te aoa are kam aki kaantaningaia iai.

Mataio 25:13

Ma ngaia ae kam na tantani, b'a kam aki ata te bong ke te aoa arei.

Mareko 13:32

“Akea ane ata rokon te bong arei ke te aoa arei; ao a aki ataia naba anera ake i karawa, ao E aki ataia te Nati; ma ti te Tama ae ataia.

M'akuri 1:7

E taku Iesu nakoia, “Tiaki ami b'ai te atai taian tai nako ma boong ake E bairei te Tama ni m'aakana.

1.I-Tetaronike 5:2

B'a kam bon ata ana bong te Uea, b'a e na roko n ai aron rokon te tia iraa n te bong.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.