Mataio 24:31 - Te B'aib'ara

³¹ ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Mataio 24:31 ပူးပေါင်းရင်းမြစ်များ

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 67:7

E a tia te Atua ni kakab'aiaira; A na bane aomata nako n taabo nako ni karinea.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Te Otinako 19:16

Ao e rebwe te baa ao e iti karawa ni moan ingabongin te katenua ni bong, ao e kaoti te nang ae matenten i aon te maunga, ao e tang te buu ae moan te tangim'aaka. Ao a bane n ruru ni maaku kaain aia maeka arei ni kabane.

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 13:5

E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 49:18

Noora rarikim nako! Ko na noori aomata aika a tabe n okira mwengaia. B'a ngkai I bon maiu, Ngai ae te UEA, ao I berita b'a e na rangi n taatangiraki n ai aron te kainrou te aine ae e taabianna ni bai ni katamaroa.”

Itaia 60:4

Kauki matam! Taratara nako! A roko taian aomata. I aoni kawaia natimi m'aane n roko man taabo aika a raroa nako; ao a uotaki natimi aine kaanga ataei aika a uarereke.

Taniera 7:2

te b'ai are I nooria n te tairiki anne: E kare te ang n akea unna, ao e kabuakaa nanoni marawa.

Tekaria 14:5

Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

Tekaria 2:6

E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Tekaria 6:5

Ao e a kab'arab'ara ni kaangai, “Bon aang aika aua mai karawa, ao ngkai a nang oti nako, i mwiin rokoia nakon UEAN aonnaba ni kabane.

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.

Tekaria 9:14

E na kaoti te UEA ae te Atua nakoia Ana aomata kaanga te nang, ao E na iti n oota Ana kanoanikatebe kaanga te iti. E na katanga ana buu te Atua ma ni buaka n te ukeukenanti mai maiaki.

Mataio 13:41

Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;

Mataio 24:22

Ao ngke arona b'a a aki kakimototoaki boong akanne, ao bon akea te aomata ae na maiu; ma a kakimototoaki i bukiia ana aomata te Atua ake E a tia n rineia.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 24:32

Kam na karekea reireiami man te kai ae te biku. N te tai naba are e ubuubu iai m'angana ao a kaoti baana, ao kam na ataia iai b'a e a kaan taini bongin te kabuebue.

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mareko 13:27

Ane E na kanakoia anera nakon iteran aonnaba ake aua, b'a a na botiia ana aomata te Atua mai tabon aonnaba are teuana ao mai tabona are teuana.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 11:52

ao tiaki ti i bukiia, ma E na botiia natin te Atua, ake a maae nako, n ti teuana.

I-Rom 10:18

Ma I taku, A tuai n ongo Iteraera? A bon tia-n ai aron taekana are kaangai: “E oti nako b'anaaia ni kabuta aonnaba ni kabane, Ao a nako aia taeka nako tabon aonnaba.”

1.I-Korinto 15:52

n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

Te Tua-Kaua 4:32

Kam bon noora aron te UEA ae Atuami ni buaka i bukimi ma ni kaota m'aakana ae korakora, ma ni karaoi taiani kakai aika ab'ab'aki ma ni kakamaaku ngke E kaotinakoingkami mai Aikubita. Kam a riki b'a A na aomata, ao kam ongo b'anaana ngke E taetae nakoimi mai buakon te ai man te Maunga are Tinai. Ao kam boni maiu naba. E a tia n riki te aekaki aei man te tai are E karika iai te aomata te UEA ni karokoa te tai aei? E ngae ngkana kam nakea, ke kam titirakina antai, ma kam na bon karekea naba te kaeka ae ti te bo. Bon akea te atua ae a tia n ongo te aba taekana b'a e kataia ni karaoi b'aai aika ai aron are a tia te UEA ae Atuami ni karaoi.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

2.I-Tetaronike 2:1

Ngkana E roko ara Uea are Iesu Kristo, ao ti na bane n ikotaki n uotaki rake nako Ina; ma ngaia ae I butingkami, taari,

Ebera 12:19

ma tangin te bu ma b'anaan te taeka. Ngke a ongo aomata te b'ana ao a bubuti b'a e na tai atongaki riki te taeka teuana nako ia.

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.

Te Kaotioti 8:2

Ao I nooriia anera ake itiman ake a teitei i matan te Atua; ao a anganaki taiani bu aika itiua.