Mataio 24:29 - Te B'aib'ara

²⁹ I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mataio 24:29 ပူးပေါင်းရင်းမြစ်များ

Te Minita 12:2

N te bong teuana ao ane e na mamaara ootan taai ma nam'akaina ao taiani itoi nakoim. A na teimatoa ietan atuum taian nangi ni karau.

Itaia 13:10

E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 34:4

A na mauna nako taian itoi n tatabeua nako ao e na rukumaki karawa kaanga te niira ni boki. A na m'au ao n rai b'ai ni karawa kaanga baan te oriwa aika a rai ke taian uanikai i aon te aroka.

Ioera 2:10

E ruru te aonnaba irouia ao e m'aioio taiani karawa; a manga okirikaaki taai ma nam'akaina, ao a toki otan taian itoi.

Ioera 3:15

e na akea ootan taai ke nam'akaina, ao a na toki raneanean taian itoi.

Amota 5:20

Ana bong te UEA e na uota te rootongitong ma tiaki te oota; bon te bong ae na mabubu, n akea otana.

Amota 8:9

Ao n te bong arei ao N nang kabunga taai ngke e a tib'a boo tawanou, ao e na roo aonteaba n tain te ngaina. Bon Ana taeka te UEA ae rietaata

Mataio 24:21

B'a n te tai anne ao e na iai te rawawata ae bati ae akea n aia arona ma ngke e moa n riki aonnaba ni karokoa ngkai; bon akea n ai arona, ao a na bon akea naba nakoni boong aika rimwi.

Mataio 24:8

Baikai ni kabane kaanga ai aroni moani maraki ake a namakinaki n ana tai te ataei ni bungiaki.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 8:12

Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.