Mataio 24:27 - Te B'aib'ara

²⁷ B'a aron te iti ngkana e iti mai mainiku, ma n oota ni wairio, ao ai aron naba rokon Natin te Aomata.

Mataio 24:27 ပူးပေါင်းရင်းမြစ်များ

Iobi 37:3

E kanakoa te iti man iteran karawa are teuana nakon iterana are teuana; man tabon aonnaba are teuana nakon tabona are teuana.

Iobi 38:35

Ngkana ko kanakoa b'anaam nakon te iti ni karawa b'a e na itiiti, e kona ni kawariko man kaangai, “Ngaia.”

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Etekiera 1:14

A m'ananga maan akekei ni kewa kaanga kiban te m'akaro man te ai.

Tekaria 9:14

E na kaoti te UEA ae te Atua nakoia Ana aomata kaanga te nang, ao E na iti n oota Ana kanoanikatebe kaanga te iti. E na katanga ana buu te Atua ma ni buaka n te ukeukenanti mai maiaki.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mataio 24:26

Ma ngaia aei, ngkana a kangai nako imi, Noria, E mena n te rereua, ao kam na aki nako iai; ao ngkana a kangai, Noria, E mena i nanon ruu, ao tai kakoaua aia taeka!

Mataio 24:3

Ngke E tekateka Iesu i aon te maunga are Oriweta, ao a nako Ina ana reirei ngke ti ngaiia, ao a kangai, “Ko na tuangiira b'a e na roko n ningai? Ao tera kanikinaean rokom ma tokin aonnaba?”

Mataio 24:37

Ao ai aron ana bongi Nooa rokon Natin te Aomata:

Mataio 24:39

ao akea te bae a ataia ni karokoa e roko te ieka ao e uotiia nako ni kabaneia; ao ai arona naba ngkana E roko Natin te Aomata.

Mataio 24:44

Ma ngaia ae kam riai naba ni b'aina te tauraoi; b'a ae E na roko Natin te Aomata n te aoa are kam aki kaantaningaia iai.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Iakobo 5:8

Kam riai naba ngkami n taotaon nanomi. Kam na nanomatoa, b'a e a kaan rokon te Uea.

2.Betero 3:4

ao ane a na kaangai, “E nga rokona ae taekinaki? B'a man te tai are a mate iai ara bakatibu, ao a teimatoa n tiku b'aai ni kabane n aroia ma ngke a moa ni karikaki aonnaba.”