Mataio 24:22 - Te B'aib'ara

²² Ao ngke arona b'a a aki kakimototoaki boong akanne, ao bon akea te aomata ae na maiu; ma a kakimototoaki i bukiia ana aomata te Atua ake E a tia n rineia.

Mataio 24:22 ပူးပေါင်းရင်းမြစ်များ

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Tekaria 13:8

A na mate man te aba uoua te katenim'akoro, ao a na maiu te katenim'akoro.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Mataio 22:14

B'a a m'aiti aika kaoaki, ma E rineia ti akana butim'aea te kakao.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Mareko 13:20

Ao ngkana E aki kakimototoi boong akanne te Uea, ao bon akea te aomata temanna ae na kamaiuaki; ma E kakimototoi boong akanne i bukiia ake a rineaki, ake E rineia.

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

1.Betero 1:1

Mairouni Betero, ae ana tia tuatua Iesu Kristo, nakoia akana rineaki akana iruwa akana uamaae i Bonto, ao i Karatia, ao i Kabatokia, ao i Atia, ao i Bitunia,