Mataio 24:21 - Te B'aib'ara

²¹ B'a n te tai anne ao e na iai te rawawata ae bati ae akea n aia arona ma ngke e moa n riki aonnaba ni karokoa ngkai; bon akea n ai arona, ao a na bon akea naba nakoni boong aika rimwi.

Mataio 24:21 ပူးပေါင်းရင်းမြစ်များ

Etekiera 5:9

i bukin ami bure. N na katuaaingkami n te tuua ae I tuai man kaakaraoia mangkoa ao te tuua naba ae N na aki manga karaoia riki rimwi.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Ioera 1:2

Kakauongo, ngkami aika taani kairiiri ao aomata nako aika i nanon te aba. Iai te b'ai ae e a tia n riki ae aron aei mai m'aaina?

Ioera 2:2

E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 24:20

Kam na tataro b'a kam na aki biri nako n tain te m'aitoro ke te Taabati.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mareko 13:9

“Ma kam na tarataraingkami, b'a ane a na kateingkami i matani kabowi, ao ane kam na oreaki i nanoni m'aneabaia I-Iutaia; ao ane kam na tei i mataia taan tautaeka ma uea i buku, b'a kam na taekina te koaua nako ia.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

Te Kaotioti 16:18

Ao e itiiti, ao e rebwetata ma n rurunga te baa, ao e riki te m'aeiei ae korakora i aon te aba, ae te m'aeiei ae akea n ai arona ma ngke e moa ni mena te aomata i aonnaba: boni moan te korakora te m'aeiei aei.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.