Mataio 24:14 - Te B'aib'ara

¹⁴ Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

Mataio 24:14 ပူးပေါင်းရင်းမြစ်များ

Etekiera 7:10

E a kaan te kabuanib'ai! E a mena n taabo nako te motibuaka ma te kainikatonga,

Mataio 10:7

Ao ngkana kam nako, ao aei kanoan ami kab'arab'ara: “E a kan roko Uean te Atua!”

Mataio 18:19

Ao I a manga taku nako imi b'a ngkana a bo nanoia uoman i aonnaba i bukin te b'ai ae a kani bubuti iai, ao e na karaoaki i bukiia iroun Tamau are i karawa.

Mataio 24:3

Ngke E tekateka Iesu i aon te maunga are Oriweta, ao a nako Ina ana reirei ngke ti ngaiia, ao a kangai, “Ko na tuangiira b'a e na roko n ningai? Ao tera kanikinaean rokom ma tokin aonnaba?”

Mataio 24:6

Ane kam na ongora karongoaan taiani bo ni buaka aika kaan, ma rongorongon taiani bo ni buaka aika raroa nako; kam na tarataraingkami b'a kam na aki maaku; a na riki baikai, ma tiaki nanona b'a e a roko te toki.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 9:35

Ao Iesu E kawari kaawa ni kabane ma taabo nako ake a maekanaki n reirei i nanoni m'aneabaia I-Iutaia, n tataekina euangkerion Uean te Atua, ao ni katoki aoraki ni kabane ma mamaara ni kabane.

Mareko 13:10

Ma i m'ain rokon te toki, ao e riai b'a e na tataekinaki te euangkerio nakoia botannaomata ni kabaneia.

Ruka 2:1

Ni boong akekei, ao e nako te kaetieti mairoun te uea ae kakannato are Kaitaraa Aukitito b'a e na karaoaki te wareaomata i aon aban nako te tautaeka n Room.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ruka 4:5

Ao te riaboro e kaira rake Iesu nakon te tabo ae rietaata, ao e kaoti nako Ina n te tai ae waekoa aaba nako n te aonnaba,

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 11:28

E teirake temanna i rouia ae arana Akabo, ao e taetae ni m'aakan te Tamnei b'a e na roko te rongo ae korakora i aonnaba ni bane; ao e koro bukin aei n ana tai n uea Keraurio.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

M'akuri 17:6

Ao ngke a aki reke i rouia, ao a katika Iaton ma taari tabem'aang nakoia taan taua taekan te kaawa arei, ao a takarua ni kaangai, “A roko naba ikai uake a kakiriwe n taabo nako,

M'akuri 19:27

Iai ngkanne te kangaanga ae na reke nakon ara m'akuri aei, b'a e nang aki kubaraki. Ma tiaki ti ngaia, ma iai naba te kangaanga ae na reke nakon um'antabun te anti are kakannato are Nei Aritemito, b'a e nang kakeaki bonganana; ao Nei Aritemito, are taromauriaki i Atia ao i aonnaba, e nangi mauna kakannatona!

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

I-Rom 10:18

Ma I taku, A tuai n ongo Iteraera? A bon tia-n ai aron taekana are kaangai: “E oti nako b'anaaia ni kabuta aonnaba ni kabane, Ao a nako aia taeka nako tabon aonnaba.”

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

Ebera 1:6

Ma ngke E nang kanakoa ana moa n Nati te Atua nako aon te aba, ao E kangai, “Ao a bane ana anera te Atua n taromauria.”

Ebera 2:5

B'a te Atua E aki kaki i aani m'akaia anera taekan te aonnaba ae nangi roko, ae ti taekinna.

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.

Te Kaotioti 3:10

Ngkai ko a tia ni kawakina au taeka nako im b'a ko na nanom'aka, ao N na kawakiniko naba man te aoa ni kaririaki are nangi roko i aon te aba ni kabuta, ni kataia ake a maeka iai.