Mataio 23:37 - Te B'aib'ara

³⁷ Ierutarem, Ierutarem, ae ko kamamateia burabeti, ae ko karebanaia ake a kanakomaiakaki nako im, ai bati ra au kani bobotiia am aomata, n ai aron te moa aine ngkana e botiia bunna i aani baina, ma kam rawa!

Mataio 23:37 ပူးပေါင်းရင်းမြစ်များ

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 17:8

Kawakinai n ai aroni kawakinan ataeini matam; karabaai i aan nuuni baim ni kiba.

Taian Areru 36:7

Te Atua, ai kakawakira am Tangira ae Teimatoa! A bane aomata ni kataniia iroum, i aan nuuni baim ni kiba.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Taian Areru 63:7

i bukina ngkai Ko aki toki ni buobuokai. I anene ni kim'areirei i aan nuuni baim ni kiba.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Itaia 5:4

Tera riki ae N na konaa ni karaoia nakon au nne n aroka ni kureebe? I kaantaningai kureebe aika a karewerewe, ma ai tenaan kureebe aika a maai aika a maiu i nanona ni kabane.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 26:23

Ao a kairiia rikaaki nakon te Uea are Ieoiakim, are e a kamatea ao e karenakoaki rab'atana nakon te tabo n taunimate.

Ieremia 32:31

A a tia ni kaunai kaain te kaawa aei ni moa man te tai are e moan kateaki iai. I a tia ni baaireia b'a N nang urua

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 36:26

Ao te uea e tuanga natina te mm'aane are Ierameera b'a e na kaira Teraia ao Teremia ma n nako ni katika B'aruka ma ngai. Ma e karabaira te UEA b'a ti na aki reke irouia.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 6:8

Ongora i Rou, ngkami aika kaain Ierutarem ao kaain Iuta. N na kiitaningkami, ao e na riki abami b'a te rereua ae akea kanoana.

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 11:7

A tia n iangoia Au aomata b'a a na katinanikuai i bukin te anti ae a taku b'a e korakora riki, ma e bon aki konaa ni buokiia.

Otea 7:13

Kaniwangaia ngkai a katinanikuai bon ti te kangaanga ma te urub'ai. N na bon kamaiuia ngkoa ma I aki i bukina ngke a taekina te kewe nako iu.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

Mataio 22:3

E kanakoia ana toro b'a a na weteia aomata ake a kaoaki nakon te baka, ma a aki kan roko.

Mataio 22:6

ao nikiraia a tauia ana toro, ao a b'ainikiriniia, ao a kamateia.

Mataio 23:30

ao kam kangai, Ngke tao ti maiu n aia bong ara bakatibu, ao ti na bon aki raoniia ni kamateia burabeti.

Mataio 23:31

Ma ngaia ae kam boni kaotioti i bukimi b'a kam riki mairouia ake a kamateia burabeti.

Mataio 5:12

B'a a b'ainikiriniia burabeti ake a maiu i m'aimi n te aro naba aei. Kam na kukurei, ao kim'areirei, b'a a bati b'aai n tituaraoi ae E katauraoi te Atua i bukimi.

Ruka 15:28

Ao ngaia, e un ao e rawa n rin; ao e oti nako tamana ni butiia b'a e na rin.

1.I-Tetaronike 2:15

ake a kamatea te Uea are Iesu ma taiani burabeti, ao a kakioira nako naba. A aki kakukureia te Atua, ao a ekianako aomata ni kabaneia;

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.

Ruuta 2:12

Ke E anganiko boom ae kororaoi te UEA, ae Atuaia Iteraera, i bukin am m'akuri ae ko a tia ni karaoi, b'a ko a roko i nanon ana Kakaawakin.”