Mataio 23:35 - Te B'aib'ara

³⁵ Anne bukin ae kam na bukinaki iai i bukini mateia aomata ake a raoiroi i aon te aba, mairoun Abera ni karokoa natini Barakia are Tekaria, are tiringaki i roumi i marenan te um'antabu ma te baonikarea.

Mataio 23:35 ပူးပေါင်းရင်းမြစ်များ

Karikani B'aai 4:8

Ao e taku Kain nakon tarina are Abera, “Ti a nako nakon te tawaana.” Ao ngke a roko i nanon te tawaana, ao e eweka tarina Kain n tiringnga.”

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

2.Uea 24:4

ma ni karika mateia aomata aika a m'aiti aika akea aia bure. E na bon aki kab'ara te bure aei te UEA.

Itaia 14:21

Ti na tiringiia natim m'aane b'a kaboan mwiin aia bure aia bakatibu. A na bon aki taua taekan te aonnaba ke taiani kaawa aika a buubura n taabo nako n te aonnaba.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 2:34

Kam tiringiia aomata aika akea aia bure n akea bukina raoi. Ao e ngae ngke a konaa n nooraki raraaia i aon ami kunnikai,

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Ieremia 26:23

Ao a kairiia rikaaki nakon te Uea are Ieoiakim, are e a kamatea ao e karenakoaki rab'atana nakon te tabo n taunimate.

Ieremia 26:8

ao ngke e a tib'a bane taekinan b'aai nako ake e mwiokoai te UEA b'a N na taekin, ao a tauai ma n takaarua ni kaangai, “Ko na riai n tiringaki i bukin te b'ai ae ko karaoia!

Tekaria 1:1

Bon te burabeti are Tekaria Ngai, are natin Berekia ao tibun Ito te mm'aane. N te kawanua nam'akaina n ana kauoua n ririki Taraiati n uea i aon Botia,

Warekaia Iteraera 35:33

Bon te UEA Ngai ae I maeka i buakomi Iteraera, ma ngaia are, e riai ni kaawakinaki itiakin abami. B'a ngkana iai te tiritiri, ao e na b'aro te raraa n tanon te aba, ao e na kam'araea.

Ruka 11:51

Man te tai are e b'aka iai raraan Abera nakoni b'akan raraan Takaaria, are mate i marenan te baonikarea ma te um'antabu. Eng, I tuangngkami, b'a ane na tangiraki boona mairouia kaain te roro aei.

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Te Kaotioti 18:24

A noraki i nanon te kaawa ae B'aburon raraaia burabeti ma ake a itiaki, ao raraaia naba te koraki ni kabaneia ake a kamateaki i aonnaba.