Mataio 23:34 - Te B'aib'ara

³⁴ Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Mataio 23:34 ပူးပေါင်းရင်းမြစ်များ

2.Uea 21:10

E taku te UEA n te bong teuana nakoia ana burabeti:

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

Taeka n Rabakau 11:30

Maiuakina te raoiroi, ao ane kam na am'arake man te aroka are e angaanga te maiu. Ao ngkana kam m'akuri n aron te aomata ae e wanawana, ao ane a na katotoongkami tabem'aang.

Ieremia 26:8

ao ngke e a tib'a bane taekinan b'aai nako ake e mwiokoai te UEA b'a N na taekin, ao a tauai ma n takaarua ni kaangai, “Ko na riai n tiringaki i bukin te b'ai ae ko karaoia!

Ieremia 36:26

Ao te uea e tuanga natina te mm'aane are Ierameera b'a e na kaira Teraia ao Teremia ma n nako ni katika B'aruka ma ngai. Ma e karabaira te UEA b'a ti na aki reke irouia.

Mataio 10:23

Ngkana a b'ainikiriningkami aomata n te kawa teuana, ao kam na biri nakon te kawa are teuana; b'a e koaua ae I a tuangngkami, b'a a na aki bane n tia ami m'akuri i nanon aia kawa nako Iteraera i m'ain rokon Natin te Aomata.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 23:31

Ma ngaia ae kam boni kaotioti i bukimi b'a kam riki mairouia ake a kamateia burabeti.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

Ioane 20:21

E a manga taku ngkanne Iesu nakoia, “E na mena te rau iroumi. I kanakoingkami n ai aron Tamau ngke E kanakomaiai.”

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 11:27

Ni boong akekei ao a roko i Antioka burabeti mai Ierutarem.

M'akuri 12:2

E kamateaki n te kabaang Iakobo are tarin Ioane n ana baire Erote.

M'akuri 13:1

Iai burabeti ma taan reirei aika mena n te ekaretia i Antioka, aika B'arenaba, ma Timeon are arana teuana Nikera, ao Roukio are te I-Kurene, ao Manaen are kaikawaki ma Erote are te tia tautaeka, ao Tauro.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 15:32

A kaungaia naba taari Iuta ma B'auro n taeka aika bati, ngkai boni burabeti naba ngaiia, ao a kakorakorai nanoia.

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.

1.I-Korinto 2:6

Ma ti kabongana te taeka n rabakau i buakoia aomata aika ikawai n aia onimaki; ma tiaki rabakaun aon te aba ke rabakauia taan tautaeka i aonnaba, aika te koraki aika nangi mauna mataia.

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.