Mataio 23:15 - Te B'aib'ara

¹⁵ A na reke kaimi, taani koroboki ma B'aritaio, aika taani m'am'ana-te-aba! B'a kam ri nanoni marawa ao kam ri aon te aba b'a kam na anaa nanon te aomata nakon ami koaua; ao ngkana e reke, ao kam karaoa ae e na reke iai uoua aron taun teuanne n riki b'a kaaini Keenna n ai aromi.

Mataio 23:15 ပူးပေါင်းရင်းမြစ်များ

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mataio 5:29

Ao ngkana e kairiko matam ane mai ataim nakon te bure, ao ko na autia, ao tewea nako mai roum; b'a e raoiroi riki ngkana akea b'ain rab'atam teuana nakon ae e teweaki nako rab'atam ni kabaneaki nako moone.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

M'akuri 13:43

Ngke e a b'ara nako te botaki arei, ao a iraki B'auro ma B'arenaba irouia I-Iutaia aika bati ma aomata aika kakaonimaki nakoni karaoan ana kaantaninga te Atua, aika a tia n riki b'a kaain te Aro n I-Iutaia. E taetae B'auro ma B'arenaba nakoia, ni kairoroia b'a a na kairaki maiuia n taai nako n ana akoi te Atua.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 14:2

Ma I-Iutaia ake a aki onimaki a kakiriwei nanoia aomata ake tiaki I-Iutaia, ao a kananobuakaiia nakoia taari akekei.

M'akuri 17:13

Ma ngke a ataia I-Iutaia ake i Tetaronike b'a e taekinaki naba ana taeka te Atua irouni B'auro i Beroia, ao a roko naba iai n aki karauia aomata, ao ni kakiriweia.

M'akuri 2:10

ao i Berukia, Bamburia ma Aikubita, ao i aban Ribua ake i rarikini Kurene; ao iai naba i buakora aika roko n iruwa mai Rom,

M'akuri 6:5

A bane ni kukurei n te taeka arei te koraki arei; ao a rinea ngkanne Tetebano, ae te aomata ae te tia onimaki ni koaua ao e on n te Tamnei are Raoiroi; a rinea naba Biribo, ma Berokoro, ma Nikanora, ma Timon, ma Baremena, ma Nikorao ae te I-Antioka ae tiaki te I-Iutaia, ma e a tia n rairaki nakon te Aro n Iutaia.

I-Karatia 4:17

A tauaninne aomata akanne iroumi, ma tiaki n te aro ae e raoiroi; ma a kani kaokoroingkami,

I-Karatia 6:12

A i manonoingkami te koraki akana kani bakantamaroa n aron te maiu n rab'ata b'a kam na korotabonim'aneaki; b'a ti i bukin aei, b'a a aonga n aki b'ainikirinaki i bukin tataekinan ana kaibangaki Kristo.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.