Mataio 23:13 - Te B'aib'ara

¹³ Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

Mataio 23:13 ပူးပေါင်းရင်းမြစ်များ

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Tekaria 11:17

Taani kaawakin tiibu aika a akea manenami, aika kam kakeaia tiibu! Au kaantaninga b'a e na kam'aukua anganibaimi te kabaang ma ni kamataki matami.

Mataio 23:16

A na reke kaimi taani kairiri aika kam mataki, aika kam kangai, Ngkana e m'anewea aran te um'antabu te aomata b'a te b'ai ni kakoaua ngkana e taetae n tuea, ao e aki bae iai; ma ngkana e m'anewea aran te koora are b'ain nanon te um'antabu, ao e bae iai.

Mataio 23:23

A na reke kaimi, taani koroboki ma B'aritaio, aika taani m'am'ana-te-aba! B'a kam angaanga teuana te katebwina ni m'akoro mani m'aitin ami b'ai are te minte ma te aneto, ma te kumino, ao kam katiku taekani b'aai aika kakannato n taekan te Tua, n ai aron te kaeti raoi taekani b'aai, ma te nanoanga, ma te kakaonimaki nakon ana kaantaninga te Atua.

Mataio 23:25

A na reke kaimi, taani koroboki ma B'aritaio, aika taani m'am'ana-te-aba! B'a kam kaitiaka akuun te m'angko ma te raurau, ma a on nanoia n am'arake ma ninima aika reke n te aro n iowawa ma ni kani b'aib'ai.

Mataio 23:27

A na reke kaimi, taani koroboki ma B'aritaio, aika taani m'am'ana-te-aba! B'a ai aron ruua ni mate aika kamainainaki ngkami; a tara n tamaroa mai tinanikuia, ma a on nanoia n riia maate ma baika mka n aekaia nako.

Mataio 23:29

A na reke kaimi, taani koroboki ma B'aritaio, aika taani m'am'ana-te-aba! B'a kam karaoi ruani mateia burabeti, ao kam katamaroai aon ruani mateia aomata ake a raoiroi;

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Ruka 11:52

A na reke kaimi rooia! B'a kam a tia n uota nako kingini mataroan te atatai; kam aki rin ngkami ao kam tukiia te koraki ake a kan rin.

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

Ioane 9:24

Ma ngaia are, a manga wetea riki teuare matakii ngkoa, ao a taku nakoina, “Ko na berita i matan te Atua b'a ko na taekina te koaua! Ti ataia b'a te aomata are kaure matam bon te tia bure.”

Ioane 9:34

A kaeka ao a taku nakoina, “Te aomata ni bubure ngkoe, ni moa man te tai are ko bungiaki iai, ao ko na reireiniira? Ao a taua ma te matoa ni kaotinakoa man aia m'aneaba I-Iutaia.”

M'akuri 13:8

Ma e tukiia Eruma are te tia tabunea (b'a aei arana n te taetae n Erene), ao e kataia n tuka Terekio b'a e na aki onimakina Iesu.

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.

2.Timoteo 4:15

Ao ko na tarataraiko mai rouna, b'a e rangi ni kakauntabai ara taeka.