Mataio 22:39 - Te B'aib'ara

³⁹ Ao ai aron naba are te kauoua, are kangai: Ko na tangira raom n ai aron tangiram i bon i roum.

Mataio 22:39 ပူးပေါင်းရင်းမြစ်များ

Nakoaia Ibonga 19:18

Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Mataio 19:19

Ko na karinea tamam ma tinam, ao, Ko na tangira ane maeka n ua kaani ma ngkoe n ai aron tangiram i bon i roum.”

Mataio 22:38

E korakora te tua aei, ao moanibaan te kakannato i buakon taian tua.

Mareko 12:31

Te kauoua n tua ae moanibaan naba te kakannato bon aei: ‘Ko na tangiriia aomata n ai aron tangiram i bon i roum.’ Akea te tua teuana ae moanibaan te kakannato riki nakoia aikai.”

I-Rom 13:8

Tai tarau iroun te aomata n te b'ai teuana, b'a ti n te i-tangitangiri: b'a ane tangira raona n aomata, ao e na karaoa nanon te Tua ni kabanea.

I-Rom 15:2

Ti na bane n tatabemaniira nako ni kakukureia raora ni baika na bongana i bukiia, b'a a aonga ni buokaki aia onimaki ni kakorakoraki.

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”