Mataio 22:16 - Te B'aib'ara

¹⁶ A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

Mataio 22:16 ပူးပေါင်းရင်းမြစ်များ

1.Uea 22:14

Ma e kaeka Mikaia ni kaangai, “N na taekina are e tuangai te UEA ae e maiu.”

Taian Areru 12:2

Akea ae e na aki kewea raona: A keweia raoia n taeka ni karang.

Taian Areru 5:9

A aki onimakinaki baike a taekin au kairiribai; a tangira ti te urub'ai. A wiikoa ni wiiraraoi, ma a onrake nanoia n te kam'aam'ane.

Taian Areru 55:21

A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

Taeka n Rabakau 29:5

Bon akea manenan kamoamoaan temanna b'a kaanga ai aron kawenean te b'ainikam'ane.

Maraki 2:6

E reirei te koaua, ao e aki konaa n taekina te kewe, ao e kairiia aomata aika a m'aiti b'a a na kiitana te bure, i bukina b'a e ongotaeka Irou ao e maiuakina te raoiroi.

Maraki 2:9

Ma ngaia are, I karaoia aomata nako b'a a na ribaingkami ma n aki kubaringkami, i bukina ngkai kam aki ongotaeka irou ma n aki konaa ni karaoa ae ti te arona nakoia aomata nako.

Mataio 22:24

“Te Tia Reirei, e kangai Moote, Ngkana e mate te aomata ao akea natina, ao tarina e riai n iein ma buuna b'a a aonga n riki natiia, ao a na atongaki b'a natin teuare mate.

Mataio 22:26

E a manga mate naba teuaei, ma akea natina; ao ai aron naba are te kateniman ngke e buuna neierei: ao ai bon aroia naba uake a buuna neierei ni karokoa te kaitiman.

Mataio 26:18

Ao E taku, “Kam na nako n te kawa nakon te aomata temanna,” ao kam na kangai nako ina, ‘E taku te Tia Reirei: E a kaan au bong! N na karaoa te Toa are te Riao ma au reirei n am auti.’ ”

Mataio 26:49

Ao e nako n Iesu ngkekei naba, ao e taku, “Te Tia Reirei, Ko na mauri,” ao e kiitinna.

Mareko 10:17

Ngke E a manga moana m'anangana Iesu, ao e biri nako Ina te mm'ane temanna; e katorobubua i matan Iesu ao e titirakinna ni kangai, “Te Tia Reirei ae raoiroi, tera ae I riai ni karaoia b'a e aonga n reke i Rou iai te maiu are aki toki?”

Mareko 12:13

A kanakoaki B'aritaio tem'angina ma aomata tabem'aang man te koraki ake a kaaina ana botaki Erote nakon Iesu b'a a na kam'anea n aia titiraki.

Mareko 12:14

A roko i Rouna ao a taku, “Te Tia Reirei, ti ataia b'a ti te taekina te koaua Ngkoe ao Ko aki kona ni katabea am iango n aia iango aomata. E aki anaaki nanom n taraan aroia aomata, ma Ko reirei te koaua ae kaeti ma nanon te Atua i bukiia aomata. E eti ma taekan te tua b'a ti na anga ara taekiti nakon te uea n Rom, ke e aki?”

Mareko 3:6

Ao B'aritaio a kitana m'aneabaia I-Iutaia, ao a kabowi n te tai ae waekoa ma tem'angina aika kaain ana botaki Erote, b'a a na kareke iango i bukin tiringan Iesu.

Mareko 8:15

E taku Iesu nako ia, “Kam na tarataraingkami ao kawakiningkami man aia iiti B'aritaio ao ana iti Erote.”

Ruka 20:21

Ao a titirakinna ni kangai, “Te Tia Reirei, ti ataia b'a Ko taetae ao Ko reirei n te aro ae eti; ko aki nanonano, ao Ko reirei ana tua te Atua n te koaua.

Ruka 7:40

Ao E taetae Iesu nako ina ni kangai, “Timon, iai te bae I kan taekinna nako im.” Ao ngaia e kaeka ao e taku, “Taekinna, te Tia Reirei!”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 7:18

B'a te aomata ane taetae n oin nanona, ao e kataia ni karekea kamoamoana bon i bukina. Ma te aomata ae tangira kamoamoakin Teuare kanakomaia, ao E kaotia b'a e taekina te koaua, ao tiaki te kairua.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.I-Korinto 5:16

Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.

I-Karatia 2:6

Ao uake atoatongaki b'a taani kairiri, I aki tabe ma aroia ngkekei b'a aekara; b'a E aki babaire te Atua man taraan te aomata, a aki tuangai uakekei te b'ai teuana ae raka;

Te Tua-Kaua 33:9

E rangi ni kakannato riki iroumi b'a kaawakinan ana boraraoi Iteraera ma te UEA nakon maiuia tamami ke tinami, ke tarimi ke m'anemi. ke oin natimi.

1.I-Tetaronike 2:4

ma ngkai ti a tia ni kakoauaki iroun te Atua i mwini kataakira i Rouna b'a ti riai ni mwiokoaki i bukin tataekinan te euangkerio, ao ti bon riai n taetae, n aki kakukureia aomata, ma ti na kakukureia te Atua are Ngaia ae katai nanora b'a ua ra.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.