Mataio 22:11 - Te B'aib'ara

¹¹ Ma ngke e rin te uea n noriia iruwa, ao e nora temanna iai ae aki kunnikaia n te kunnikai ni baka,

Mataio 22:11 ပူးပေါင်းရင်းမြစ်များ

2.Uea 10:22

E tuanga te mataniwi Ieu are te tia kaawakin taian niiniira aika tabu b'a a na kakoaua raoi b'a a bane aomata ni kunnikaiia iai.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

B'aeb'aeti 5:22

Ko na bon teimatoa naba n aki kubariira? E a aki tootoki unim?

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Mataio 13:30

Katikuia b'a a na uaia n riki rake ni karokoa tain te tai; ao ni bongin te tai, ao I a tuangiia taan rikoriko ni kangai, Booti moa titania, ao kabaei ni b'ab'ati b'a a na kabuokaki; ma ikoti uita nakoni nnen au am'arake.

Mataio 22:10

Ao a nako tooro akekei nakoni kawai nako, ao a botiia aomata ni kabaneia, akana buakaka ma akana raoiroi, ake a bo ma ngaiia; ao e on te tabo ni baka i rouia.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 5:3

b'a ngkana ti kunnikaiaki iai, ao ti na aki kuneaki n akea karabaara.

I-Karatia 3:27

B'a ngkami ni kabaneingkami akana kam b'abetitoaki nako nanoni Kristo, kam a karina Kristo i aomi b'a kanga ai aron te kunnikai.

I-Ebeto 4:24

ao kam na riki b'a te aomata ae boou, are karaoaki b'a katotongan te Atua, ao ni b'aina te maiu ae itiaki ni koaua.

Te Kaotioti 16:15

“Noria, ae N na roko n ai aron te tia iraa! E a kab'aia ane kamarurungnga ni kawakini kunnikaina, b'a e kaawa n nakonako n akea karabaana ao e mamaa ngkana e noraki.”

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.