Mataio 21:33 - Te B'aib'ara

³³ E taku Iesu nako ia mataniwiia ibonga ao taani kairiri: Temanna te aomata ngkoa ae iai ana onaroka. E uniki kureebe ni nneia, ao e oi rarikiia, ao e kena aontano i nanona b'a neni b'aini katinakoan ranin te kureebe, ao e katea te tabo n tantani. E anga te onaroka arei nakoia aomata tem'angina b'a a na tararuaia i bukina, ao e nako n te aba teuana.

Mataio 21:33 ပူးပေါင်းရင်းမြစ်များ

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ieremia 2:21

Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Mataio 13:18

Kam na ongora ngkanne ni kab'arab'araan nanon te rongorongo ni kabotau are taekan te tia ununiki.

Mataio 20:1

B'a Uean te Atua ai aron te aomata ae atun te mwenga teuana. E nako teuarei ngke e a tib'a ingabong n anaia aomata ake a na m'akuri ni nen arokana te kureebe.

Mataio 21:28

Tera ami iango nakon te karaki aei? Iai ngkoa te aomata temanna ae uoman natina mm'aane; e nako n te karimoa, ao e kangai, “Natiu, ko na nako ni m'akuri ni nnen arokau te kureebe n te bong aei!”

Mataio 23:2

A onea mwini Moote n nakoana taani koroboki ma B'aritaio;

Mareko 13:34

E kabotauaki b'a kaanga ai aron te aomata are kitana mwengana ao e m'ananga nako, ao e anganiia ana toro te mwiokoaki i aoni b'aai nako;

Ruka 19:12

Ma ngaia are E taku: E nako te mataniwi temanna nakon te aba are raroa b'a e na kaueaaki iai, ao e na manga okira mwengana.

Ioane 15:1

“Ngai te kai ae te kureebe ni koaua, ao Tamau te tia ribana.

Te Tua-Kaua 16:18

Ngkana kam a tia n tekateka raoi n ami kaawa ake kam karekei mairoun te UEA ae Atuami, ao a na rinei aia taani moti ma aia aobitia kaawa n tatabeua nako. Ao ngkami akana kam riki b'a taani moti kam na riai ni babaire raoi ngkana kam kanakoa ami moti, e ngae ngkana te aomata ae kakannato. A na aki mara atomi iroun temanna n te aro are kam na anga te moti ae bure. Te kamaraato e karekea te matakii irouia aika wanawana man nooran te koaua ao e bitiia aomata aika raoiroi b'a taani kewe.