Mataio 21:32 - Te B'aib'ara

³² B'a e roko Ioane nako imi, ngkami aika Iteraera, ni kaota te aro ae raoiroi ae kam na b'ainna ni maiumi n ai aron nanon te Atua, ao kam aki kakoauai ana taeka.

Mataio 21:32 ပူးပေါင်းရင်းမြစ်များ

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Mataio 11:18

B'a e roko Ioane n aki am'am'arake ma n aki momooi, ao a kangai aomata, Iai i rouna te taimonio.”

Mataio 21:25

Maia ana b'abetito Ioane? Mairoun te Atua ke mairouia aomata?” A iango i rouia, ao a taku, “Ngkana ti kangai, Mairoun te Atua; ao ane E na kangai, ‘Ao e aera ngkanne ngkai kam aki onimakina Ioane?’

Mataio 21:31

Antai ae toua mwin ana taeka tamana irouia uake uoman? A taku nako Ina, “Te karimoa.” E taku Iesu nako ia, E koaua ae I a tuangngkami b'a a ri moami taan anai taekiti ma aine aika kabekaau nako nanon Uean te Atua.

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

2.Timoteo 2:25

e na nimamannei n reireiia akana a ekianako ao tao a na anganaki aia tai mairoun te Atua are a na biti nanoia iai b'a a aonga n ata te koaua;

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.

2.Betero 2:21

B'a e raoiroi riki i rouia ngke a aki ata te aro are E tangiria te Atua b'a a na maiu iai nakon ae a ataia, ao a rairaki nako man taekan te tua ae tabu are a anganaki.

Te Kaotioti 2:21

ao I anganna ana tai are e na raira nanona iai man arona ni wene ni bure, ma e rawa ni kan rairaki man arona ni wene ni bure.