Mataio 21:31 - Te B'aib'ara

³¹ Antai ae toua mwin ana taeka tamana irouia uake uoman? A taku nako Ina, “Te karimoa.” E taku Iesu nako ia, E koaua ae I a tuangngkami b'a a ri moami taan anai taekiti ma aine aika kabekaau nako nanon Uean te Atua.

Mataio 21:31 ပူးပေါင်းရင်းမြစ်များ

Iobi 15:6

E na boni kabuakakako wiim; tiaki ngai, ao bon matan riam naba aika na bukiniko.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Mataio 12:50

B'a ane toua mwin ana taeka Tamau are i karawa, ao bon tariu, ao m'aneu, ao tinau.”

Mataio 18:3

ao E taku: E koaua ae I a tuangngkami, b'a ngkana kam aki bitii aromi ao kam aki katotoong aroia ataei, ao kam na bon aki kona n rin n Uean te Atua.

Mataio 20:16

E a manga taku Iesu, “Ane a na riki n rimoa aika rimwi, ao a na riki n rimwi aika rimoa.”

Mataio 21:30

E a manga nako te karo nakon are te karimwi n tuangnga naba; ao ngaia e kangai, Tamau, N na nako; ma e aki nako.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

Mataio 6:5

Ngkana kam tataro, ao tai kakairi irouia taani m'am'ana-te-aba! B'a a kan tei n tataro i nanoni m'aneabaia I-Iutaia ao i tutani kawai, b'a a aonga n noraki irouia aomata. E koaua ae I a tuangngkami b'a e a tia n reke i rouia booia mani mwin aia m'akuri.

Mataio 7:21

A aki bane n rin n Uean te Atua akana aki toki n atoatongai b'a te Uea Ngai, ma e na rin iai ane karaoa nanon Tamau are i karawa.

Mataio 9:9

Ngke E kitana ikekei Iesu, ao e nora te aomata ae arana Mataio, b'a e tekateka n aobitin te taekiti; ao E taku nako ina, “Ko na irirai.” Ao Mataio e tei rake n iria.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 19:22

Ao ngaia e taku nako ina, “Te toro ae ko buakaka!” “N na kabuakakako man am taeka akana nako mai wiim! Ko ataia b'a te aomata ngai ae I matoatoa b'a I kareke au b'ai mani mwin aia m'akuri aomata ao I boboti uaa n taabo aika I aki ununiki iai.

Ruka 7:29

Ngke a ongo aomata ma taan anai taekiti, ao a kariaia b'a E eti te Atua, b'a a tia ni b'abetitoaki n ana b'abetito Ioane.

Ioane 3:3

E kaeka Iesu ao E taku, “Bon te koaua ae I a tuangko b'a ngkana e aki manga bungiaki” te aomata, ao e aki kona n nora uean te Atua.

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.