Mataio 21:19 - Te B'aib'ara

¹⁹ E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Mataio 21:19 ပူးပေါင်းရင်းမြစ်များ

Itaia 5:2

E kena te tano raoraou, e kanakoi taian atiibu, ao e uniki taian kureebe aika a rangi n raraoi. E karaoa te taua n taratara ao e kena te b'angab'anga n te tabo ae e ririb'a i bukin kamantan taiani kureebe. E kaantaningaia b'a a na rangi ni karewerewe, ma a bane n tii nako uaaia aika a maai.

Ieremia 8:13

N na kamaunaia, Bon taiani kureebe ngaia aika akea uaaia; taiani biiku aika akea uaaia ke baaia. Bon akea te b'ai teuana ae a tia ni karaoia ni b'aai ake I tuangiia! Bon aio au taeka Ngai ae te UEA.

Mataio 21:20

Ngke a noria ana reirei, ao a mimi, ao a taku, “E kanga ngkai e a waetata naba n rai te biku?”

Mareko 11:14

Ao E taku Iesu nakon te kai arei, “Akea te aomata ae na manga kana uaam ma ngkai ao nakon taai rimwi.” A ongo b'anaana ana reirei.

Mareko 11:20

Ngke e moa n ingabong n te bong are i mwina, ngke a nakonako i nanon te kawai, ao a nora te kai are te biku b'a e rai mai taberana nakoni wakaana.

Ruka 3:9

E kaweneaki ngkai te angaraa i rarikini wakaani kaai; b'a te kai ae aki kariki uaa aika raraoi ao e na koreaki n teweaki nako nanon te ai.”

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.

2.Timoteo 3:5

aongkoa taan taua te Aro, ma a oti ni maiuia b'a akea nanon tauan te Aro i rouia. Ko na tan nako mani baikai.

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Iuta 1:12

Te koraki arei a riki b'a kanga baareka n ami botaki n am'arake n i tangitangiri, ngkai a botaki n am'arake ma te aki aubaa, ao a ti tabeakiniia i bon i rouia; kanga naang aika akea te karau i nanoia, aika uouotaki nako n te ang; kanga kaai aika aki uaa n taini kaai n uaa; aika kaai aika kanga uoua aia tai ni mate ao a taekaki mani wakaaia;

Te Kaotioti 22:11

Ane buakaka, ao ke e teimatoa ni kakaraoa ae buakaka; ao ane kam'ara, ao ke e kateimatoa arona ni kam'ara. Ane b'ab'aina te eti, ao ke e kakaraoa ae eti; ao ane itiaki man te bure, ao ke e kawakinna mani karaoan ae buakaka.”