Mataio 21:17 - Te B'aib'ara

¹⁷ E kitaniia Iesu, ao E oti nako man te kawa nako Betania, ao E tiku iai.

Mataio 21:17 ပူးပေါင်းရင်းမြစ်များ

Ieremia 6:8

Ongora i Rou, ngkami aika kaain Ierutarem ao kaain Iuta. N na kiitaningkami, ao e na riki abami b'a te rereua ae akea kanoana.

Otea 9:12

E ngae ngkana iai natimi, N na anai ni kabane ma ni katikuingkami ma te tang. N na tannako, ao ko na inako rikaaki i nanon te kanganga ae e korakora.

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mataio 26:6

Ao ngke E mena Iesu i Betania n ana auti Timon are te rebera,

Mareko 11:1

Ngke a ua kaan ma Ierutarem ao kaawa ake Beteb'ake ma Betania, ngke a mena n te maunga are Oriweta, ao Iesu E kanakoia uoman ana reirei b'a a na ri moa;

Mareko 11:11

E roko Iesu i Ierutarem, ao E rin n te um'antabu, ao E taratarai b'aai nako. Ngkae e a b'akanako te tai b'a e a kani bong, ao E nako Iesu ma ana reirei ake tengauni ma uoman nako Betania.

Mareko 11:19

E kitana te kawa Iesu ma ana reirei ngke e a tairiki.

Mareko 14:3

Ao ngke E mena Iesu i Betania, n ana auti Timon are te rebera, ngke E rarikiriki n am'arake, ao e roko te aine temanna ma uotana te b'atoro ae karaoaki man te atibu ae te arab'ata, ao kanoana te kabira ae rangi ni boiarara ae te naro ni koaua, ae e rangi ni m'aiti boona. E urua nnen te kabira anne, ao e kab'aroa te b'a i aon atuun Iesu.

Mareko 3:7

Ao E nako Iesu ma ana reirei nakon te nama are Kariraia, ao a iria aomata aika m'aiti. A roko mai Kariraia, ao mai Iutaia, ao mai Ierutarem, ao mai Itumia,

Ruka 10:38

Ngke E nakonako Iesu ma ana reirei, ao E roko n te kawa ike E a butim'aeaki iai iroun te aine ae arana Mareta, nakon ana auti.

Ruka 19:29

Ngke E a kaaniia Beteb'ake ma Betania, i rarikin te maunga are arana Oriweta, ao E kanakoia uoman ana reirei,

Ruka 24:50

Ao E kairia Iesu nako tinanikun Ierutarem ni karokoa a kaani ma Betania; ao E katei baina, ao E taetae ni kakab'aiaia.

Ioane 11:1

E aoraki te aomata temanna, ae Rataro arana; kaaini Betania ngaia, are aia kaawa Nei Maria ma tarina are Nei Mareta.

Ioane 11:18

E kaani Betania ma Ierutarem, tao a kani koro uoua te maire raroaia;