Mataio 21:13 - Te B'aib'ara

¹³ E taku nako ia, “E koreaki ae kangai, ‘E na atongaki au auti b'a te auti n taromauri.’ Ma kam karaoia b'a nneia taani kimoa ni karabaia!”

Mataio 21:13 ပူးပေါင်းရင်းမြစ်များ

Taian Areru 93:5

Te UEA, a koaua am Taeka n taai nako, ao e koaua ae e tabu am Tembora, n tai nako ao n aki tootoki.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Ieremia 7:11

Bon taan iraa ngkami, ao kam karika au Tembora b'a te tabo ni karaba. Ma I a tia n noori b'aai ni kabane aika kam a tia ni karaoi.

Mataio 2:5

A taku nako ina, “I Betereem i Iutaia: b'a e koreaki ae kangai iroun te burabeti:

Mareko 11:17

E reireiia ngkanne aomata ao E taku nako ia, “E koreaki n te B'aib'ara ana taeka te Atua ae kangai, ‘E na atongaki au um'antabu b'a te tabo n tataro i bukiia aomata nako.’ Ma kam a tia ni karaoia b'a neia ni maeka taani kimoa!”

Ruka 19:45

Ao E rin Iesu n te um'antabu, ao E kakioia nako aomata ake a kabooi nako aia b'ai iai,

Ruka 19:46

ao E taku nako ia, “E koreaki ana taeka te Atua ae kangai, ‘E na riki au auti b'a te tabo n taromauri.’ Ma ngkami kam a tia ni karaoia b'a nneia taani kam'arua ni karabaia!”

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’