Mataio 21:11 - Te B'aib'ara

¹¹ Ao a taku aomata ake a ira Iesu, “Bon Iesu are te burabeti Teuaei mai Natareta are i Kariraia.”

Mataio 21:11 ပူးပေါင်းရင်းမြစ်များ

Mataio 2:23

ao ngke e roko iai, ao e maeka n te kawa are arana Natareta. B'a e na kakoauaki are atongaki irouia burabeti are kangai: “E na aranaki Teuarei b'a kaain Natarene.”

Mataio 21:10

Ngke E rin Iesu i Ierutarem, ao a kiriwe kaain te kawa, ao a taku, “Antai Teuaei?”

Mataio 21:26

Ma ngkana ti kangai, ‘Mairouia aomata,’ ao ti makuia aomata; b'a a bane n taku b'a te burabeti Ioane.”

Mataio 21:46

A kan taua ni kaburea, ma a makuia aomata: b'a a taku aomata b'a te burabeti Ngaia.

Mareko 6:15

Ma a taku tem'angina, “Bon Eria.” Ao tem'angina, a taku, “Bon te burabeti, n ai aron temanna mai buakoia burabeti ake rimoa.”

Ruka 13:33

Ma I riai ni wakina nako kawaiu n te bong aei ao ningabong, ao n te bong are i mwina; b'a e aki konaki ni kamateaki te burabeti ngkana e aki mena i Ierutarem.

Ruka 24:19

Ao Ngaia E kangai nako ia, “Ae b'aai baikara?” Ao a kaeka ni kangai, Ae taekan Iesu are te I-Natareta, are kaota aroni kakoauana, ni baika E karaoi ao n ana taeka, b'a te burabeti Ngaia i matan te Atua ma aomata ni kabaneia.

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

Ioane 1:21

Ao a manga titirakinna riki ni kaangai, “Ao antai ngkoe ngkanne Eria?” Ao ngaia e taku, “Tiaki.” Ao a manga taku, “Te burabeti ngkoe?”

Ioane 1:25

a titirakina Ioane ni kaangai, “E aera ngkai ko b'ab'abetito ngkai tiaki ngkoe te Kristo, ao tiaki Eria, ao tiaki te burabeti?

Ioane 4:19

E taku te aine nakoina, “Teuaei, I ataiko b'a te burabeti Ngkoe.

Ioane 6:14

Ao aomata ngke a nora te b'ai are kamimii are E karaoia Iesu, ao a taku, “Bon aei te burabeti are nangi roko i aonnaba!.”

Ioane 7:40

Iai tabeman i buakoia aomata ake a bati aika ongo ana taeka Iesu aikai, ma ngaia are a taku, “Teuaei bon te Burabeti!”

Ioane 9:17

Ma ngaia are, a manga taku B'aritaio nakon teuare matakii ngkoa, “Ko taku b'a E kaure matam; tera am taeka i bukina?” Ao ngaia e taku, “Bon te burabeti.”

M'akuri 7:37

Boni Mote aei, are kaangai nakoia tibun Iteraera, “Ane E na kateirakea temanna te Atua mai buakoia tarimi b'a te burabeti nakoimi, n ai aron are E karaoia nako iu.”