Mataio 20:30 - Te B'aib'ara

³⁰ Ao noria, iai uoman te mataki aika tekateka i rarikin te kawai; ngke a ongo b'a E ri rarikiia Iesu, ao a takarua ni kangai, “Natin Tawita! ko na nanoangaira!”

Mataio 20:30 ပူးပေါင်းရင်းမြစ်များ

Taian Areru 146:8

Ao E kanorabaia akana mataki; e kakorakoraia akana a mamaara nanoia; E tangiria ana Aomata akana kakaonimaki ma n ongeaba i rouna.

Itaia 29:18

Ane a na konaa n ongo taningabono te b'ai ae e warekaki nakoia; ao ane a na kainaomataaki matakii ma n te maiu i nanon te rotongitong.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 42:18

Kam bonotaninga ao kam matakii ngkami aika aomata, ma e tuangngkami te UEA b'a kam na kakauongo ma n taratara.

Itaia 59:10

Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Mataio 13:4

Ao ngke e kamaae, ao a b'aka tabeua ri rarikin te kawai, ao a roko mannikiba ni kang.

Mataio 15:22

Ao noria, e roko te aine temanna ae te I-Kanaan man aaba akekei, ao e takarua ni kangai, “Te Uea, ae Natin Tawita! Ko na nanoangaai! E taniaki natiu te aine iroun te taimonio, ao e a rangi ni karawawataki i rouna.”

Mataio 20:31

Ao a takuaki irouia aomata, ao a tuangaki b'a a na aki karongoa; ma a kanenei riki b'anaaia n takarua ni kangai, “Te Uea ae Natin Tawita, Ko na nanoangaira!”

Mataio 21:14

Ao a nako Ina mataki ma m'auku n te um'antabu, ao E kamaiuia.

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Mataio 22:42

“Tera ami iango iroun te Kristo? E nako man te kanoa ra?” A taku nako Ina, “E nako mani kanoan Tawita.”

Mareko 10:46

A roko i Ieriko Iesu ma ana reirei. Ao ngke a kitana ikekei ao a rimwiaki irouia aomata aika bati, ao B'atimea ae te tia bubuti ae mataki, ae natin Timea, e tekateka i rarikin te kawai.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ruka 7:21

N te tai naba arei, ao E kamaiuia aomata aika m'aiti man aorakiia aika kakaokoro, ao mairouia anti aika buakaka; ao E kanorabaia mataki aika bati.

M'akuri 2:30

Bon te burabeti ngaia, ao e ata ana taeka ni bau te Atua nakoina: E kaotia iai b'a E na karika temanna i buakoia ana kariki Tawita b'a te uea ngaia, n ai aron Tawita.