Mataio 20:24 - Te B'aib'ara

²⁴ Ngke a ongo aei reirei ake tengaun, ao a un irouia Iakobo ma Ioane.

Mataio 20:24 ပူးပေါင်းရင်းမြစ်များ

Taeka n Rabakau 13:10

E karika te kangaanga te kamoamoa ae e korakora. Kaiangoraoiko ao kaawakin reireiam.

Mataio 20:23

E taku nako ia, “Kam na boni moi n au m'angko, ma tiaki au b'ai te anganingkami te kona n tekateka i angaataiu ao i angamaingiu; e ti katauaki i bukiia te koraki ake E a tia Tamau ni katauraoia i bukiia.”

Mataio 20:25

Ma E weteia Iesu, ao E taku nako ia: Kam ataia b'a te koraki ake a katauaki b'a taan tau-taeka i aoia ianena, bon iai m'aakaia i aoia, ao aia aomata ake a kakannato, a kabonganai m'aakaia i aoia.

Mareko 10:14

Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

Mareko 10:41

Ngke a ongo aei reirei ake tengaun, ao a un irouia Iakobo ma Ioane.

Ruka 13:14

Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”

1.I-Korinto 13:4

E taotaona nanona te tangira ao e atataiaomata; e aki babakantang te tangira; e aki tataetae ni karakaraka te tangira, ao e aki kainikatonga;

I-Biribi 2:3

ao akea te bae kam na karaoia ma te kauntaeka ke te kainikatonga, ma kam na b'aina te nanorinano, temanna nakon temanna, n aromi n iangoia b'a a raoiroi riki nakoimi.

Iakobo 3:14

Ma ngkana iai i nanomi te bakantang ae bati ma te iangoingkami i bon iroumi, ao kam na tai kamoamoaingkami n eekaanako te koaua ma ni kakewea.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”