Mataio 20:23 - Te B'aib'ara

²³ E taku nako ia, “Kam na boni moi n au m'angko, ma tiaki au b'ai te anganingkami te kona n tekateka i angaataiu ao i angamaingiu; e ti katauaki i bukiia te koraki ake E a tia Tamau ni katauraoia i bukiia.”

Mataio 20:23 ပူးပေါင်းရင်းမြစ်များ

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mataio 20:24

Ngke a ongo aei reirei ake tengaun, ao a un irouia Iakobo ma Ioane.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Mareko 10:40

ma te tekateka i angaataiu ao i angamaingiu bon akea au b'ai iai b'a N na anga te kariaia; e a katauaki te tekateka i bukiia te koraki are e a tia ni baireaki i bukiia.”

M'akuri 12:2

E kamateaki n te kabaang Iakobo are tarin Ioane n ana baire Erote.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

2.I-Korinto 1:7

E teimatoa ara kaantaninga i bukimi; b'a ti ataingkami b'a ngkai raora ni kamarakaki ngkami, ao bon raora naba ngkami ni karauaki nanora.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu