Mataio 20:22 - Te B'aib'ara

²² Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Mataio 20:22 ပူးပေါင်းရင်းမြစ်များ

Taian Areru 75:3

A ngae n ruru maan aika maiu, ao e m'aeiei aonnaba, Ma N na boni kawakini bouana b'a a na nene ni matoatoa.

Taeka n Rabakau 16:18

E na bon uruana aromi te kamoamoa ae e bati.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Ieremia 49:12

Ao a na mooi naba ni m'angkon uniu botannaomata aika a aki riai ni katuaaeaki. Ao tera riki ami anga ni biri nako?

Mataio 26:35

E taku Betero nako Ina, “N na bon aki kakeako, e ngae ngkana arona b'a N na mate ma Ngkoe.” Ao a bane n atongi naba taeka akekei ana reirei.

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 26:42

Ao E a manga nako riki n tataro ao E kangai, “Tamau, ngkana e aki kona n nako aei, b'a N na boni moi iai, ao e na tauaki am taeka.”

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

Mareko 14:36

Ao E taku n ana tataro, “Aaba, Tamau, a konaaki b'aai ni kabane i Roum; Ko na uota nako te m'angko ni karawawata aei mai Rou; ma tiaki nanou ae na iraki, ma e na iraki nanom.”

Ruka 12:50

Iai te b'abetito ae N nang b'abetitoaki iai; ai te rawawata tera ae taonai ni karokoa e tia!

Ruka 22:42

“Tamau, ngkana e riai i Roum, ao Ko na kararoa mai Rou te rawawata ni maraki ae N nang taonaki iai; ma tiaki nanou ae na karaoaki, ma e na karaoaki nanom.”

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

Iakobo 4:3

Kam bubuti, ao kam aki anganaki, b'a kioina ngkai kam bubuti n te aro ae aki riai, b'a kam na bakataei ami b'ai i bukin nanomi aika naano n aonnaba.