Mataio 20:21 - Te B'aib'ara

²¹ Ao E taku Iesu nako ina, “Tera ae ko tangiria?” E taku neierei nako Ina, “Ko na tua b'a a na tekateka natiu aika uoman aikai, temanna i angaataim, ao temanna i angamaingim, ngkana Ko a taua nakoam n uea.”

Mataio 20:21 ပူးပေါင်းရင်းမြစ်များ

1.Uea 2:19

Ao ngke e a nako Nei B'atateb'a ni kawara Toromon, ao e teirake Toromon ngke e roko tinana, ao e boobaraaki nakoina. E tekateka ao e kawaekoa teuana riki te kaintokanuea i bukin tinana b'a e na tekateka i angaataina.

1.Uea 3:5

Ao n te tairiki teuana ngke e mena Toromon i Kibeon, ao E kaoti te UEA ae te Atua nakoina n te mii ao E taku, “Toromon, buubutii te b'ai ae ko tangiria b'a N na anganiko.”

Etita 5:3

Ao e titirakina Nei Etita, ao e taku, Tera ae ko tangiria te ueanaine ae Nei Etita, tuangai b'a tera ae ko tangiria, ao e na reke iroum, e aoria ngkana iteran abanueau ke kaub'aiu.

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 45:9

I buakoia aine n am katawanang bon natiia uea, ao i angaatain am kaintokanuea ao e tei iai te ueanaine, ni katokai i aona b'aai ni katamaroa aika karaoaki man te koora ni koaua.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Mataio 18:1

A roko iroun Iesu ana reirei n te tai naba arei, ao a taku, “Antai te kabanea ni kakannato n Uean te Atua?”

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 20:22

Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Mataio 20:32

Ao E tei Iesu, ao E weteia, ao E taku, “Tera ae kam tangirai iai b'a N na karaoia i bukimi?”

Mareko 10:51

E titirakinna Iesu ao E taku, “Tera te b'ai ae ko tangirai iai b'a N na karaoia i bukim?” E kaeka te aomata are mataki ao e taku nako Ina, “Raboni! I kan noraba.”

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Mareko 6:22

Ao ngke e rin ni b'ab'atere natin Eroria te aine, ao e kakukureia nanon Erote ma iruwa; ao e taku te uea nakon te teeinaine, “Tuangai te b'ai ane ko tangiria, ao N na anganiko.”

Ruka 18:41

“Tera ae ko tangirai iai b'a N na karaoia i bukim?” E taku, “Te Uea, I kan noraba!”

Ruka 19:11

Ngke a tabe n ongora aomata ni baikekei, ao E a manga reita nako ana taeka Iesu n te rongorongo ni kabotau, i bukina ngke e a kaan ma Ierutarem, ao i bukina ngke a taku n aia iango b'a e na karina ni kaoti Uean te Atua.

Ruka 22:24

Ao e riki te kauntaeka i buakoia b'a antai i rouia ae na atongaki b'a moan te kakannato.

Ioane 15:7

Ngkana kam teimatoa n nim ma Ngai, ao a tiku au taeka i nanomi, ao kam na bubuti baika kam tangiri, ao a na reke iroumi.

M'akuri 1:6

Ma ngaia are, ngke a botaki taan tuatua ma Iesu, ao a titirakinna ni kaangai, “Te UEA, Ko nangi manga kaoka nakoia Iteraera aroia n tautaeka n te tai aei?”

I-Rom 12:10

Kam na i tangitangiri n ai aroia taari, ao tai tab'ara ni kaota aron te ikarinerine.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

I-Korote 3:1

Ma ngaia ae ngkai kam a manga uaia ni maiu ma Kristo man te mate, ao kam na ukoukori b'ain eta, ike E mena iai Kristo n tekateka i angaatain te Atua.