Mataio 20:15 - Te B'aib'ara

¹⁵ Tiaki b'a iai i rou te inaomata ni karaoa ae I tangiria ma au b'ai? E aera b'a ko na moanoku ngkai iai i rou te nano n akoi?”

Mataio 20:15 ပူးပေါင်းရင်းမြစ်များ

Te Otinako 33:19

Ao E kaeka te UEA ni kaangai: E tamaroa. Bon ami UEA Ngai, ao N na kaota au akoi ma au nanoanga nakoia aomata ni kabane aika I a tia n rineia. N na kariaia b'a ko noora mimitongiu ma n ongo arau ae E tabu,

Taeka n Rabakau 23:6

Tai kariaia te kakao n nako ni kana kanan te aomata ae e b'angantauti e aoria ngkana e rangi n raoiroi kanana.

Taeka n Rabakau 28:22

Tai iaiangoia b'a ti ngkoe te aomata ma n rangi ni iangoia b'a ko na kaub'ai b'a ane ko na manga aki toronib'ai riki nakon are ko kaantaningaia.

Ieremia 18:6

Kaain Iteraera, iai m'aakau Ngai ae te UEA i aomi, kaanga te tia karao kaatiibu ae iai m'aakana i aon ana kaatibu.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 20:14

Anaa boom ao naako! I kan angan ae rimwi ni kaboraoia ma ngkoe.

Mataio 6:23

ma ngkana e buakaka matam, ao e na buta rab'atam ni kabanea n te roo. Ao ngkana bon te roo naba te oota i nanom, ao ai bati ra te roo!

Mareko 7:22

ao e na mataai ni kani b'aib'ai, ao e na karaoi nako baika buakaka; e na b'aina te kewe, ma te maiu ae aki kani kaetaki, ma te bakantang, ma te taekin taeka ake e na kabuakakaki iai te aomata, ma te kainikatonga; ao e na karaoi baika e na atongaki iai b'a e baba.

Ioane 17:2

B'a Ko a tia n anganna te m'aaka i aoia aomata ni kabaneia, b'a E na anga te maiu are aki toki nakoia ni kabane ake Ko anganna.

M'akuri 13:45

Ma ngke a nooriia aomata aika bati I-Iutaia, ao a rangi ni bakantang; a kakewei taeka ake a atongaki irouni B'auro, ao a kabuakaka B'auro.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 2:1

Ao ngkami kam mate i bukin riaoakin te tua iroumi ao i bukin ami bure,

I-Ebeto 2:5

b'a ngke ti mate i bukin arora n ririaoakin te tua, ao E kamaiura Kristo, b'a kam kamaiuaki n te akoi,

Te Tua-Kaua 15:9

Kam na taratara raoi b'a kam na aki kaangai i nanomi, Ae a kaan te kaitiua n ririki, ao ae e na aki okirai au m'ane. E na rangi n rawaawata ami bure ngkana kam karaoa anne, ao ngkana kam rangi n nanonrang naba n aki kan anganiia aika kainano buokaia. Bon am koraki, ao ngkana ko rawa ni buokiia, ao e aki ngkoa ao a butia naba te UEA, b'a E na baairei taekami b'a kam bure iai ke kam aki. Ao ane a na tua b'a kam bure.

Te Tua-Kaua 28:54

Te aomata ngkoa ae rangi n raoiroi ma n akoi, e na manga boni kaniia natina ma n rawa n angan tarina,

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

Iakobo 5:9

Taari, kam na tai i b'angantaeka, b'a a kaawa ni motikaki taekami; noria, e a kaan te tia motiki-taeka b'a ae E a kani kaoti.