Mataio 2:1 - Te B'aib'ara

¹ Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

Mataio 2:1 ပူးပေါင်းရင်းမြစ်များ

Karikani B'aai 10:30

A maeka n te aba are e moa mai Metia ni karokoa Teba n aaba ake a tabukibuki ake i mainiku.

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

1.Uea 4:30

E wanawana riki Toromon nakoia aomata nako n te aonnaba, ao nakoia naba taan rabakau ake i mainiku ao ake i Aikubita.

1.Rongorongo 2:51

are teniman natina m'aane aika: Tiobara, Tarema, ao Areb'a, are e tekateka n te kaawa are Betakatera.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mataio 1:25

ma e aki botaki ma ngaia ni karokoa e a tia ni bungia natina; ao e aranna Ioteb'a b'a Iesu.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Mataio 2:19

Ngke e a tia ni mate Erote, ao noria, e kaoti ana anera te Uea nakon Ioteb'a n te mii, ao e kangai,

Mataio 2:3

Ngke e ongo aei Erote are te uea, ao e kiriwe nanona ma angiia kaain Ierutarem.

Mataio 2:5

A taku nako ina, “I Betereem i Iutaia: b'a e koreaki ae kangai iroun te burabeti:

Mataio 2:7

E kaoiia ngkanne taan rabakau Erote b'a e na botaki ma ngaiia n ti ngaiia, ao e neneria b'a e na kaoti te itoi n ningai.

Ruka 1:5

I nanon ana tai n uea Erote, are ueani Iutaia, ao iai te ibonga temanna ae arana Takaaria, ae kaain te utu n ibonga are Abiia; ao buuna e riki man ana utu Aaron mairouia natina ake aine, ao arana Nei Eritabeta.

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 2:15

Ngke a nako anera mai rouia nako karawa, ao a i taetae i rouia taani kawakin tiibu ni kangai, “Ti na nako Betereem b'a ti na nora te baere riki, are E taekinna nako ira te Uea.”

Ioane 7:42

Tiaki e taku te B'aib'ara b'a E na riki te Kristo man ana kariki Tawita, ao E na kaoti mai Betereem, are ana kaawa Tawita?”

Tani Motiki-taeka 17:7

Ao n te tai teuana, ao e a roko temanna te rorobuaka n ataei man te baronga are Rewi nakon ana auti Mika n aaba ake a tabukibuki i abaia kaain Eberaim. E a bon tia n tiku iroun temanna kaain te kaainga are Iuta i Betereem, ma e a manga kiitana Betereem ni kakaaea te tabo ae boou are na maeka iai.