Mataio 19:4 - Te B'aib'ara

⁴ Ao E kaekaia Iesu ni kangai, “Tiaki kam a tia ni wareka taekan Teuare karaoia aomata ni moani karikan aonnaba, b'a E karaoia b'a te mm'aane ao te aine,

Mataio 19:4 ပူးပေါင်းရင်းမြစ်များ

Karikani B'aai 1:27

Ao E karaoia aomata te Atua. E karaoia b'a katotongana, E karikia b'a te mm'aane ao te aine,

Karikani B'aai 2:18

Ao E taku te UEA ae te Atua, “E bon aki raoiroi b'a e na maiu te mm'aane n ti ngaia. N na karaoa raona ae e tau.”

Karikani B'aai 2:23

Ao e taku te mm'aane arei, “Ao ngkai bon riini kaokaou, ao irikou; ao e na aranaki b'a te Aine i bukina ngkai e anaaki mairoun te mm'aane.”

Karikani B'aai 5:2

E karaoia b'a te aine, ao te mm'aane. E kakab'aiaia, ao e araniia b'a “Aomata.”

2.Rongorongo 24:3

E bon rineia naba uoman aine Ieoiata b'a buun Ioati b'a e aonga ni katei utu.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Mataio 12:3

Ao Ngaia E taku nako ia, “Kam tuai ni wareka taekan te baere e karaoia Tawita ngke e baki, ngaia ma uake raona?

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Mataio 21:6

Ao a nako ana reirei ake uoman, ao a karaoa aron are a tuangaki iroun Iesu.

Mataio 22:31

Ao ni kaeti ma manga utiia-maate, kam tuai mani wareka ana taeka te Atua nako imi, ngke E kangai,

Mareko 12:10

Kam tuai ni wareka te taeka are n te B'aib'ara are kangai: ‘Te atibu are a ribaia taani kateitei b'a akea bonganana, e a riki b'a te atibu ae moan te kakawaki i buakon atibu nako.

Mareko 12:26

Ao ni kaeti ma taekaia maate ake a manga uti: kam tuai ni wareware n ana boki Moote are taekinaki iai rongorongon te kai are bue, ao e kaotaki naba iai aron te Atua ngke E kangai nakoni Moote: ‘Atuan Aberaam Ngai, ao Atuan Itaaka, ao Atuan Iakob'a.’

Mareko 2:25

Ao E kaekaia Iesu ni kangai, “Kam tuai meni wareka taekan te b'ai are e karaoia Tawita n te tai are e kainano iai ma raona ngke a mate ni baki?

Ruka 10:26

E taku Iesu nako ina, “Tera are koreaki n te Tua? E kangaa am wareware iai?”

Ruka 6:3

E kaekaia Iesu ao E taku, “Kam tuai ni wareka taekan te baere e karaoia Tawita ngke e baki, ngaia ma ake raona?