Mataio 19:28 - Te B'aib'ara

²⁸ E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 19:28 ပူးပေါင်းရင်းမြစ်များ

1.Uea 18:31

Ao i mwiina, e anai tebwi ma uoua te atiibu ni karaoa iai te baonikarea b'a karinean te UEA. E tei teuana te atiibu i bukin barongan Iteraera ake tebwi ma uoua,

2.Rongorongo 9:19

ao iai naba bannan taian raian aika tengaun ma uoman i angaatain ao angamaingin te kainrarake nakon te kaintokanuea ni katoai kainararake ake onoua. Bon akea te kaintokanuea n te aonnaba ae ai aron ana kaintokanuea Toromon.

Etira 6:17

Tebubua kaao, uabubua tiibu m'aane, abubua tiibu ataei aika a kareanaki i bukin te katabu. Ao ai uana naba ma tengaun ma uoman taian kooti aika a kareanaki i bukin kab'araan aia bure barongan Iteraera ake tengaun ma uabaronga.

Te Otinako 15:27

Ao i mwiina, a manga roko i Erim ike a mena iai 12 koburake n ran, ao itingaun taiani baam iai; ao a katei aia auti n rianna i bukin te ran.

Te Otinako 24:4

Ao i mwiina, e korei b'aai nako Moote ake taekin te UEA. Ao e uti Moote n te ingabong are i mwiina. E karaoa te baonikarea i oin te maunga ao e katea te atiibu ae rangi ni buubura i bukiia barongan nako Iteraera n tatabeua nako.

Te Otinako 28:21

ao nib'ai araia barongan Iteraera ake tengaun ma uabaronga n tatabeua nako.

Itaia 65:17

E taku te UEA, N na king karaoa te aonaaba ae boou ma karawa aika a boou. A na m'anuokinaki b'aini ngkoa.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Nakoaia Ibonga 24:5

Kamanenaa am buraawa ae e manti raoi ao karaoi tengaun ma uaai kariki aika kaka uoua te kiiro rawawataia

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 19:27

E kaeka ngkanne Betero ao e taku, “Noria, ti a tia ni kitani b'aai ni kabane, ao ti iririko; tera ngkanne ae ti na karekea b'a ara b'ai?”

Mataio 20:21

Ao E taku Iesu nako ina, “Tera ae ko tangiria?” E taku neierei nako Ina, “Ko na tua b'a a na tekateka natiu aika uoman aikai, temanna i angaataim, ao temanna i angamaingim, ngkana Ko a taua nakoam n uea.”

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Mareko 10:37

A taku nako Ina, “Karekea nnera b'a ti na tekateka, temanna i angaataim ao temanna i angamaingim, ngkana Ko tekateka i aon am kaintokanuea n te Aba-n-uea are mimitong.”

M'akuri 3:21

E riai tikuna i karawa ni karokoa te tai are a bane iai b'aai nako ni kaokaki nakon aroia ngke a moa ni karikaki, n aron are E taekinna te Atua ni wiia burabeti ake ngkoa, ake a tia ni kabane maiuia i bukina.

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

Iotua 3:12

Ma ngaia are kam na rineia ngkai tengaun ma uoman m'aane; kakatemanna man barongan nako Iteraera,

2.Betero 3:13

Ma n ai aron ana taeka n akoi, ti a tiku ni kaantaningai karawa aika boou ma te aonnaba ae boou, ike e mena iai karaoan nanon te Atua.

Te Kaotioti 11:16

Ao unimm'aane ake uangaun ma aman, ake a tekateka i aon aia kaintokanuea i matan te Atua, a katorobubua ni bobaraaki ao a taromauria te Atua,

Te Kaotioti 12:1

Ao e kaoti te b'ai ae e rangi ni kamimii taraana i karawa: te aine ae kunnikaiaki n taai, ao e mena nam'akaina i aani waena, ao te baunuea ae tebwi ma uoua itoina i aon atuna.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.

Te Kaotioti 21:5

Ao E kaangai Teuare tekateka i aon te kaintokanuea, “Noria, I a karaoi b'aai ni kabane b'a b'aai aika boou. Ao E kaangai naba, Ko na koroi baika I a tia n taekin; b'a a koaua taeka aikai ao a onimakinaki.”

Te Kaotioti 22:2

n ri nuukani kawain te kaawa. Ao n iteran te karaanga ake uoua bon iai kaai ni maiu, aika kariki uaaia teuana te tai ni katoa nam'akaina i nanon teuana te ririki; ao baanikaai akekei boni b'aini kamaiuaia botannaomata.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.

Te Kaotioti 7:4

Ao I ongo b'a m'aitiia te koraki ake a kanikinaeaki bon tebubua ma abwi ma aua tengaa mai buakoia aia baronga Iteraera ni kabaneia.