Mataio 19:26 - Te B'aib'ara

²⁶ Ao E tarataraia Iesu ao E taku nako ia, “A aki kona ni kamaiuia aomata i bon i rouia, ma a konaki b'aai nako iroun te Atua.”

Mataio 19:26 ပူးပေါင်းရင်းမြစ်များ

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

1.Uea 17:16

Ao E kaawakina ana Berita te UEA are e karaoia Ana burabeti are Eria, ao e bon aki roko n te bane ana buraawa ke ana b'atoro n oera neierei.

Iobi 42:2

I ataia te UEA b'a Ko bon rangi ni m'aaka n te aro are Ko boni karaoi b'aai ni kabane ake Ko tangiri ni kan karaoi.

Taian Areru 3:8

b'a Ko tararuaia am Aomata ma ni kakab'aiaia.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 32:27

Ieremia, Bon te UEA Ngai ae te Atua, ao I bon konaa ni karaoi b'aai ni kabane!

Tekaria 8:6

E na taraa ni kangaanga aei irouia au aomata aika a tiku, ma e a aki kangaanga irou, Ngai ae te UEA ae Moan te M'aaka.

Warekaia Iteraera 11:23

Ao E taku te UEA, “I kona ni karaoi b'aai ni kabane! Ko na nooria b'a a na koro bukin Au taeka ni kabane.”

Mataio 19:25

Ngke a ongo aei ana reirei, ao a rangi ni mimi, ao a taku, “Antai ngkanne ae na kona ni kamaiuaki?”

Mataio 19:27

E kaeka ngkanne Betero ao e taku, “Noria, ti a tia ni kitani b'aai ni kabane, ao ti iririko; tera ngkanne ae ti na karekea b'a ara b'ai?”

Mareko 10:27

E taraia Iesu ao E taku, “E aki konaki aei irouia aomata, ma E konaki iroun te Atua: b'a a konaki b'aai nako iroun te Atua.”

Ruka 1:37

B'a akea te b'ai teuana ae na aki konaki ni karaoaki iroun te Atua.”

Ruka 18:27

Ao Ngaia E taku, “Te b'ai ae e aki konaki irouia aomata, ao e boni konaki iroun te Atua.”

Ebera 6:6

ngkana a kitana te onimaki, ao a bon aki konaki ni kaokaki nakon rairan te nano i bukina ngkai a manga taura Natin te Atua n te kaibangaki i bon i bukiia, ao a karaoa ae E na kamaamaaeaki iai irouia aomata.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”