Mataio 19:11 - Te B'aib'ara

¹¹ Ao E taku Iesu nako ia, “Anne te aro ae kona ni karaoaki, ma tiaki irouia aomata nako, b'a ti ake E a tia te Atua ni kataua i bukiia.

Mataio 19:11 ပူးပေါင်းရင်းမြစ်များ

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mataio 19:10

A taku nako Ina ana reirei, “Ngkana aei aron te mm'aane ma buuna, ao e a raoiroi riki te aki iein.”

Mataio 19:12

B'a iai aomata ake aki kona n iein i bukina b'a bon rikiia mai nanoni biroton tinaia; ao iai tabem'aang ake a karaoaki irouia aomata b'a a na aki kona n iein; ao tem'angina a kataua te aki iein i bukin Uean te Atua. Ane kona ni butim'aea te koaua aei, ao ke e taua.”

1.I-Korinto 7:17

Ma ae kakawaki b'a a na kaotiia aomata nako ni maiuia b'a iai katauaia are a anganaki mairoun te UEA ngke a weteaki iroun te Atua. Ao bon aei naba au taeka are I tuangiia ekaretia ni kabaneia.

1.I-Korinto 7:2

Ma i bukina ngkai e bati te wene ni bure, ao a na bane mm'aane ni karekeia buia, ao a na bane naba aine ni karekeia buia.

1.I-Korinto 7:35

I atonga aei b'a e manena i bukimi; ma tiaki nanona b'a I kani karaoi aaro n tutuki nako imi, ngkai I tangiringkami b'a kam na karaoa ae e eti ma n riai, ao kam na toro iroun te Uea n aki tabeaianga.