Mataio 18:31 - Te B'aib'ara

³¹ Ngke a nora te baere riki uake raona n toro, ao a rangi ni kuba ma ni mimi iai, ao a nako n tuanga aia uea taekani b'aai ni kabane ake a karaoaki.

Mataio 18:31 ပူးပေါင်းရင်းမြစ်များ

Karikani B'aai 37:2

ao aio karakinan ana utu Iakob'a. Ioteb'a, bon te ataei ni mm'aane ae tebwi ma itiua ana ririki, ao e kakawakiniia ana tiibu ma ana kooti tamana, ngaia ma tarina ake natin Nei Birea ma Nei Tireba aika buu ni kewe iroun tamana. E tua aia bure tarina akekei nakon tamana.

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 119:158

I noriia taan rawa nakon am Tua, ao I ribaia; B'a a aki taua am Taeka.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Mataio 14:9

E rawawata nanon te uea; ma e tua b'a e na anganaki i bukin ana taeka ni bau are e a tia n atongnga i mataia ana iruwa;

Mataio 18:28

Ao te toro aei, ngke e nako, ao e kaitibo ma raona n toro temanna ae iai ana tarau i rouna ae m'aitina tebubua te tenari; ao e taua ni koona roroana, ao e taku, Kamai kab'aran am tarau i rou.

Mataio 18:30

Ma e rawa; ao e nako ni kaki teuarei n te karabuuti b'a e na tiku iai ni karokoa e bane ni kab'ara ana tarau.

Mataio 18:32

Ao e weteia ana uea, ao e taku nako ina, “Te toro ae ko buakaka! I kamaunai am tarau ni kabane ake iai i rou i bukina ngke ko butiai;

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

Ruka 14:21

Ngke e oki te toro arei, ao e taekini baikekei nakon ana mataniwi. Ao e un iai teuare ana auti te auti, ao e taku nakon ana toro, “Kawaetatako naako ni kawain te kawa ao kawai i rarikin auti, ao kairiia mai akana aki kaub'ai ma akana aki toamau b'ain rab'ataia ma akana aki kona n nakonako raoi, ma mataki.”

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

I-Rom 12:15

Kam na kim'areirei ma akana kim'areirei; kam na tang ma akana tang.

2.I-Korinto 11:21

I mamaa n taekinna b'a ti a tia ni mamara nakoni karaoani baikanne; ma ngkana iai te baene e ninikoria iai te aomata, I taetae ni baba!, ao I ninikoria naba ngai.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.