Mataio 18:29 - Te B'aib'ara

²⁹ Ao raona n toro e b'aka ni katorobubua, ao e bubutiia ni kangai, “Ko na taona nanom b'a ae N na bon anganiko.”

Mataio 18:29 ပူးပေါင်းရင်းမြစ်များ

Mataio 18:26

Ma ngaia are e b'aka ni bobaraaki ni katorobubua te toro arei ni karinea, ao e bubutiia ni kangai, Te uea, ko na taona nanom b'a ae N na bon anganiko am b'ai ni kabane.

Mataio 18:28

Ao te toro aei, ngke e nako, ao e kaitibo ma raona n toro temanna ae iai ana tarau i rouna ae m'aitina tebubua te tenari; ao e taua ni koona roroana, ao e taku, Kamai kab'aran am tarau i rou.

Mataio 18:30

Ma e rawa; ao e nako ni kaki teuarei n te karabuuti b'a e na tiku iai ni karokoa e bane ni kab'ara ana tarau.

Mataio 18:33

ao tiaki b'a ko riai n nanoanga raom n toro, n ai arou ngke I nanoangaiko?”

Mataio 6:12

Ao Ko na kab'ara ara bure mai roura, n ai arora ngkai ti kab'ara aia bure akana bure nako ira;

I-Korote 1:7

N ai aron are kam reireiaki iai iroun Eb'abera are raora ni m'akuri ae tangiraki, ae ana tia m'akuri Kristo ae kakaonimaki, ae onei mwira ni m'akuri.

I-Korote 4:7

E na kaongoraingkami n arou nako Tukiko, ae te tari ae tangiraki, ae te tia m'akuri ae kakaonimaki, ae raou naba n toro iroun te UEA.