Mataio 18:28 - Te B'aib'ara

²⁸ Ao te toro aei, ngke e nako, ao e kaitibo ma raona n toro temanna ae iai ana tarau i rouna ae m'aitina tebubua te tenari; ao e taua ni koona roroana, ao e taku, Kamai kab'aran am tarau i rou.

Mataio 18:28 ပူးပေါင်းရင်းမြစ်များ

Neemia 10:31

Ti aki kaboob'ai n te Taabati ke ni kabooa naba te uita n te Taabati ke ni boong riki tabeua aika a tabu, ao ti aki kariaia naba taian ianena b'a a na boob'ai ni boong akanne. Ti kakamotirawai ara tawaana ni katoa itiua te ririki, ao ti kamaunai taian taarau ni kabane.

Neemia 5:7

Ma ngaia are, I a manga karaua ni iangoia, ao I taku nakoia taani kairiiri ao mataniwi, “Kam na kanga n tuangiia aika bon ami aomata b'a a na kab'aka te raka nakoimi?” Ma ngaia are, I a tewea te maungatabu ao I bukiniia taani kairiiri

Taeka n Rabakau 28:3

Ngkana e a manga onomwi te aomata ae e maiu ni kainano mani kairiia aika a maiu ni kainano ni karawaawataia, ao bon kaanga ai aron te karau ae e korakora ae e uruan aron uitan te tawaana.

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Mataio 18:27

Ao te uea e nanoanga ana toro arei, ma ngaia are e kanakoa, ao e kamaunaa ana tarau.

Mataio 18:29

Ao raona n toro e b'aka ni katorobubua, ao e bubutiia ni kangai, “Ko na taona nanom b'a ae N na bon anganiko.”

Mataio 20:2

Ao ngke e a tia ni boraraoi ma taani m'akuri b'a e na kabooia n tatabeua te tenari n te bongina, ao e kanakoia nakoni nnen arokana te kureebe.

Mareko 14:5

B'a te kabira aei, e kona ni kaboaki nako n te boo ae raka i aon tenibubua te tenari, ao a kona n anganaki akana aki kaub'ai!” Ao a kaoti aroia n riba neierei.

Mareko 6:37

Ao E kaekaia Iesu ni kaangai, “Kam na anganiia kanaia ngkami.” A titirakinna ni kangai, “Ko tangirira b'a ti na nako ni kaboi kariki n uabubua te tenari, ao ti na anganiia b'a a na kanna?”

Ruka 10:35

N te bong are i mwina, ao e anai uoua te tenari ao e angan teuare ana auti te auti ao e taku, ‘Ko na tararua teuaei; ngkana iai riki ae ko na kabanea i bukina, ao N na kabooa mwina nako im ngkana I oki.’ ”

Ruka 7:41

“Uoman aomata aika taarau iroun te aomata temanna,” ana tarau temanna 500 te m'ane te tirewa, ao are temanna nimabwi.

Ioane 6:7

E kaeka Biribo ao e taku, “E aki tau uabubua te tenari b'a e na kaboaki iai te am'arake ngkai e na rangi n uarereke ae na reke iai b'a kanan temanna ma temanna?”