Mataio 18:17 - Te B'aib'ara

¹⁷ Ma ngkana e aki ongo i rouia, ao ko na taekinna nakon te ekaretia; ao ngkana e rawa n ongo iroun te ekaretia, ao atongnga b'a te ianena ao te tia anai taekiti.

Mataio 18:17 ပူးပေါင်းရင်းမြစ်များ

Etira 6:21

A kanaki taian karea irouia aomatan Iteraera ake a oki ao irouia naba aomata ake kaain rarikiia ake a tia ni kaaki katei aika a bure, ake kateia botannaomata ake tabeua b'a a aonga ni konaa n taromauriia te UEA ae Atuaia aomatan Iteraera.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Mataio 10:3

ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

Mataio 11:19

E roko Natin te aomata n am'am'arake ma ni momooi, ao a kangai, Noria, te aomata ae buabeka ao te tia korowawa ni mamanging; raoraoia taan anai taekiti ma aomata aika buakaka. Ma e ngae n anne, ao rabakaun te Atua e a kaotaki b'a e koaua n uaana.

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

Mataio 6:7

Ao ngkana kam tataro, ao tai kabatiai ami taeka aika akea nanoia, b'a anne aroia aomata ake a tuai onimakina te Atua, b'a a taku b'a a na reke nako ia b'aai ake a tataro i bukiia.

Ruka 15:1

A nako taan anai taekiti ma aomata aika buakaka ni kaania Iesu b'a a na ongora i Rouna.

Ruka 18:11

E tei te B'aritaio n tataro i rouna ni kangai, “Te Atua, I kaitauko b'a tiaki aroia aomata nako ngai, aika a anai b'aai n te aro ni babakanikawai, a aki b'aina te eti, ao taani wene ni bure, ao tiaki naba aron te tia anai taekiti aei ngai.

1.I-Korinto 5:9

N au reta are I a tia ni koroia nako imi, ao I tuangngkami b'a kam na aki raoniia taani wene ni bure.

1.I-Korinto 6:1

Ngkana iai tangin temanna iroun raona, ao e aera b'a e na uotia nakon te kabowi ae kaainaki irouia taani bure, b'a e na motikaki taekana iai, ao e aki uotia nakoia ake a itiaki?

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

Iotua 22:15

Ao ngke a roko i Kireata ao a taetae nakoia baronga ake Reuben, ma Kata ma Manate mainiku ni kaangai,