Mataio 18:12 - Te B'aib'ara

¹² Tera ami iango? Ngkana tebubua ana tiibu te aomata temanna, ao e tiotio nako temanna mai buakoia, tiaki b'a e na kitaniia ake ruangauni ma ruaman i aoni maunga ao e nako ni kakaaea are temanna are tiotio nako?

Mataio 18:12 ပူးပေါင်းရင်းမြစ်များ

1.Uea 21:17

Ao E taku te UEA nakon Eria are te burabeti,

Taian Areru 119:176

I m'aninga nako n ai aron te tiibu ae bua; Ukoukorai, ngai ae am Toro, i bukina ngkai I aki m'anuoki am Tua.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:28

A na aki manga kimoaaki irouia botannaomata aika ianena, ao a na aki manga tiringaki ni kanaki irouia maan aika a aki manana.

Etekiera 34:4

Kam aki roko n te kaawakiniia aika a mamaara ke ni kamaiuia aika a aoraki ke ni bauti ikoakiia aika a ikoaki. Kam kairiia mani katiotionakoia ao kam aki roko n te kakaaia aika a m'arua. Kam iowawa ao kam aki raoiroi nakoia Au tiibu.

Etekiera 34:6

Ma ngaia are, a maaenako au tiibu ni kabutaa te aonnaba. A tiotio nako i aon tabuki ma maunga, ao bon akea temanna ae e tabeakiniia ni kakaaia.

Mataio 12:11

Ao Ngaia E kaekaia ni kangai, “Antai i buakomi, ae iai ana tiibu ae ti temanna i rouna, ae ngkana e b'aka n te m'arua n te Taabati, ao e na aki anaia ni kaaerakea?

Mataio 18:13

Ao ngkana e reke i rouna, ao e koaua ae I a tuangngkami, b'a e kim'areirei riki i bukin te tiibu arei, nakoia ake ruangauni ma ruaman ake aki tiotio nako.

Mataio 21:28

Tera ami iango nakon te karaki aei? Iai ngkoa te aomata temanna ae uoman natina mm'aane; e nako n te karimoa, ao e kangai, “Natiu, ko na nako ni m'akuri ni nnen arokau te kureebe n te bong aei!”

Mataio 22:42

“Tera ami iango iroun te Kristo? E nako man te kanoa ra?” A taku nako Ina, “E nako mani kanoan Tawita.”

1.I-Korinto 10:15

I taetae nako imi ngkai kanga ai aroia aomata aika wanawana ngkami; kam na kareke ami baire n au taeka.

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.