Mataio 18:10 - Te B'aib'ara

¹⁰ Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Mataio 18:10 ပူးပေါင်းရင်းမြစ်များ

2.Tamuera 14:28

E maeka Abetarom i Ierutarem i nanon uoua te ririki ao e aki nonora tamana.

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Etita 1:14

Ao ana aomata ake e aki toki n rarairakiia i bukin te iango bon Karetena, Tetara, Atemata, Taretiti, Mereti, Maretena, ao Memukan, ake bon aobitian Botia ma Miria ake itiman ake a taui nakoa aika a rietaata n te tautaeka.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Taian Areru 17:15

Ao ngai, ae N na noriko, b'a akea au bure ae I karaoia; N na kukurei n norani buram ngkana I uti.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 91:11

E na mwiokoia ana anera te Atua b'a a na tararuaiko ni kawakiniko n taabo ake ko na nako iai.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

Mataio 1:20

Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

Mataio 12:20

E na aki kinika te uteute mani m'aotona, ao E na aki kamatea m'aakaron taboni wiikin te taura ni karokoa ae katokanikaia te kaeti-taeka ae raoiroi.

Mataio 18:14

Ao ai aron naba Tamami are i karawa, b'a E aki tangira temanna i buakoia aika uarereke aikai b'a e na tiotio nako mai Rouna.

Mataio 18:6

Ma ane kaira temanna i buakoia aika uarereke aikai, aika onimakinai, nakoni karaoan te bure, ao e raoiroi riki nako ina b'a e na katineaki te atibu ae rawawata i roroana, ao e na kaiinakoaki i marawa.

Mataio 2:13

Ao i mwina ngke a tia n nako, ao noria, e kaoti ana anera te Atua nakon Ioteb'a n te mii, ao e taku, “Tei rake ao kaira te merimeri ma tinana ni biri nako Aikubita, ao mena iai ni karokoa tuangam i Rou; b'a ane e na ukoukora te merimeri Erote b'a e na kamatea.”

Mataio 2:19

Ngke e a tia ni mate Erote, ao noria, e kaoti ana anera te Uea nakon Ioteb'a n te mii, ao e kangai,

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 16:22

E mate teuare akea ana b'ai ao e uotaki irouia anera nako rarikin Aberaam. E mate naba teuare kaub'ai ao e taunaki;

M'akuri 10:3

Ngke tao te aoa tenua n te tanimaeaontaai, ao kanga e kamiiaki: e nora raoi ana anera te Atua b'a e rin n te tabo are e mena iai, ao e kaangai nakoina, “Korenerio!”

M'akuri 12:15

A taku nakoina, “Ko rangirang!” Ma e kakorakora ni kaotia b'a bon te koaua ana taeka. Ao ngaiia a kaangai, “Bon anerana.”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

M'akuri 5:19

Ma ngke e a bong, ao e kauki mataroan nako te karabuuti ana anera te UEA, ao e kaotinakoia, ao e taku nakoia,

I-Rom 14:10

Ao ngkoe, ko aera ngkai ko motika taekan tarim? Ao manga ngkoe, ko aera ngkai ko kakeaa bongan tarim? B'a ane ti na bane n tei i matan te Atua b'a a na motikaki taekara i rouna.

I-Rom 14:21

E raoiroi te aki kang iriko ma te aki moi wain, ma aki karaoan te b'ai teuana are e na riki b'a te b'ai ni kab'akab'aka nakon tarim.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

1.I-Korinto 11:22

B'a akea ami auti aika kam kona n am'arake ma ni moi iai? Ke kam kakeaa bonganan ana ekaretia te Atua, ma ni kamamaaia te koraki akana akea aia b'ai? Tera ae N na atongnga nako imi? N na kamoamoaingkami? I bon aki kamoamoaingkami n anne.

1.I-Korinto 16:11

Ma ngaia ae e na tai kakeaa bongana temanna i roumi; ma kam na bakaborauia raoi b'a e aonga n roko i rou, b'a ae I taninga rokona ma rokoia taari tem'angina.

1.I-Korinto 9:22

Ao ngkana I m'akuri i buakoia aika mamara n te onimaki, ao I riki n ai aroia ni mamara, b'a a aonga n riki ni Kristian. I a tia n riki n aekaia aomata nako n aroia nako, ao I karaoi b'aai ni kabane aika I konai, b'a a aonga ni kamaiuaki tem'angina mai buakoia i rou.

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 10:10

B'a iai ae kangai, “A rawawata ma ni matoatoa taekan ana reta B'auro, ma ngkana e mena rab'atana i rarikira ao e mamara n arona, ao a kakeaki bonganan ana taeka!”

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Timoteo 4:12

E na tai kakeaa bonganam temanna ngkai te rorobuaka n ataei ngkoe; ma ko na riki b'a te banna ni kakairi nakoia aika onimaki, n am taeka, n te bae ko karaoia, n arom n tangira, n am onimaki, ma te aro ni maiu ae itiaki.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

Te Kaotioti 8:2

Ao I nooriia anera ake itiman ake a teitei i matan te Atua; ao a anganaki taiani bu aika itiua.