Mataio 17:20 - Te B'aib'ara

²⁰ E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Mataio 17:20 ပူးပေါင်းရင်းမြစ်များ

Mataio 13:31

E a manga tuangiia te rongorongo ni kabotau teuana, ao E kangai, Uean te Atua ai aron uaan te m'akeke, are e anaia te aomata ao e unikia i abana.

Mataio 14:29

Ao E taku Iesu, “Nako mai!” Ma ngaia are e ruo Betero man te booti ao e nakonako i aon te ran n nakon Iesu.

Mataio 17:17

Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mataio 17:19

A nako n Iesu ngkanne ana reirei ngke ai ti ngaiia, ao a taku, “Bukin tera ngke ti aki kona ni kanakoa te taimonio?”

Mataio 17:9

Ngke a tabe n ruo rikaaki mai aon te maunga, ao E kamatoa ana taeka Iesu nako ia ni kangai, “Akea temanna ae kam na tuangnga taekan te baere kam a tia n noria, ni karokoa E a manga kamaiuaki Natin te Aomata mai buakoia maate.”

Mataio 21:21

E kaekaia Iesu ao E taku, “E koaua ae I a tuangngkami b'a ngkana iai ami onimaki ao kam aki nanokokoraki, ao kam kona ni karaoa ae e karaoaki nakon te biku aei; ao tiaki ti ngaia, ma ngkana kam kangai nakon te maunga aei, Ko na tabekaki nako n teweaki nako marawa, ao e a karaoaki naba.

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Mareko 11:22

E kaekaia Iesu ao E taku, “Kam na onimakina te Atua.

Mareko 11:23

E koaua ae I tuangngkami b'a ane kangai nakon te maunga aei, Ko na tabekaki nako, ao b'aka i tari, ao e aki nanokokoraki i nanona ma e onimaki b'a e na koro bukin are e taekinna, ao e na boni karaoaki i bukina.

Mareko 4:31

Ai aron uaan te m'akeke, ae te uaa ae moan te uarereke i buakon uaa nako aika unikaki;

Mareko 9:23

E taku Iesu nako ina, “Ngkana ko boni kona ngkoe! A konaki b'aai nako iroun ane onimaki.”

Ruka 1:37

B'a akea te b'ai teuana ae na aki konaki ni karaoaki iroun te Atua.”

Ruka 17:6

Ao E kangai te Uea: Ngkana iai ami onimaki ae kanga ai aron te koraa ae moan te uarereke, ao kam kona ni kangai nakon te kai aei, Ko na taekaki, ao ko na unikaki i taari; ao e na ongo i roumi.

Ruka 18:27

Ao Ngaia E taku, “Te b'ai ae e aki konaki irouia aomata, ao e boni konaki iroun te Atua.”

Ioane 11:40

E taku Iesu nakoina, “Tiaki I a tia n tuangko b'a ngkana ko onimaki ao ko na nora iai m'aakan te Atua?”

1.I-Korinto 12:9

Ao e anganaki temanna te onimaki, iroun te Tamnei are Raoiroi naba aei; ao temanna b'aai n tituaraoi i bukini katokan aoraki,

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

Ebera 3:19

Ao ti a ataia iai b'a a aki kona n rin i bukin aia aki onimaki.