Mataio 17:17 - Te B'aib'ara

¹⁷ Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mataio 17:17 ပူးပေါင်းရင်းမြစ်များ

Taian Areru 95:10

Abwi au ririki n rangi n ribaia te koraki arei. Ao I taku, ‘Ai bure ra nanoia! A rawa ni kan ongeaba nakon au taeka.’

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 16:28

Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata?

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Taeka n Rabakau 6:9

Tao maanra ngkami ni wene ikanne ao akea te b'ai ae kam karaoia? N ningai te tai ae kam na teirake iai mani katoka matuumi?

Itaia 19:14

E a tia te UEA ni kamangaongaoa Aikubita; a tia taani kairiiri ni karaai waena ao ni kamumutaa kaanga te koro ni manging.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

Warekaia Iteraera 14:27

b'a a na anga ana rongorongo nakoia Iteraera ae kaangai:

Mataio 13:58

Ao E aki kabatiai ni karaoi m'akuri aika kamimii iai i bukina ngke a aki onimakinna.

Mataio 16:8

Ma Iesu, ngke E ata aei, ao E taku, “Ngkami aika karako ami onimaki, kam aera ngkai kam iango i roumi i bukin akean te am'arake i roumi?

Mataio 17:16

I kairia nakoia am reirei, ao a aki kona ni kamaiua.”

Mataio 17:18

Ao E boaa te taimonio Iesu, ao e oti nako te taimonio mai rouna, ao e a maiu naba ngkekei te ataei ni mm'aane.

Mataio 6:30

Ma ngkana e kunnikaiaki iroun te Atua te uteute ae mena n te aba ae maiu n te bong aei ao e karenakoaki nako nanoni nnen te ai ningabong, ao tiaki kam na kakoaua b'a E na boni karekei kunnikaimi, ngkami aika karako ami onimaki?

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Mareko 16:14

I mwina ao E kaoti nakoia reirei ake tengauni ma temanna ngke a am'arake; ao E takuia i bukin aia aki onimaki ao matoatoan nanoia i mwin tuangakiia irouia te koraki ake a tia n noria i mwin te tai are E a manga uti iai.

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Ruka 24:25

Ao E taku Iesu nako ia, “Aomata aika kam nanobaba, ao kam waeremwe n iri nanoni b'aai ni kabane ake a atongi burabeti!

Ruka 9:41

E kaeka Iesu ni kangai, “Te roro ae akea ana onimaki, ae e bure arona! Maan ra memenau i roumi ao taotaonakin nanou nako imi?” E taku nakon te rorobuaka arei, “Kaira mai natim.”

Ioane 20:27

Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”

M'akuri 13:18

Ao E buobuokia n te rereua i nanon ae tao angaun te ririki, e ngae ngke a aki raraoi aroia nakoina.

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

2.I-Korinto 11:1

Kam bia taon nanomi nakon nanobabau ae teutana; kam na bon taon nanomi nako iu.

Te Tua-Kaua 32:5

Ma ngkami kam kewetaia ao kam karaoi m'akuri ni baabakanikawai ao kam aki kakaonimaki nakoina, ao kam aki tau n riki b'a ana Aomata kam bon kamamaaeingkami ao bon akea manenami n riki b'a natina.