Mataio 16:21 - Te B'aib'ara

²¹ Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Mataio 16:21 ပူးပေါင်းရင်းမြစ်များ

Neemia 12:7

Taru, Amoka, Irekia, ao Ietaia are temanna. Aikai araia ibonga ake taani kairiiri ma aia taan buobuoki i nanon ana tai Iotua.

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Mataio 16:22

Ao e kaira Iesu Betero ni kaokoroa, ao e takuia b'a E na aki taetae n arona arei. Ao e taku, “E na nanoangaiko te Atua! E na aki riki aei nako Im!”

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mataio 17:12

Ma I taku b'a e a tia n roko Eria, ma a aki kinaa, ao a karaoi nako ina baike a kani karaoi. Ao ai aron naba Natin te Aomata, b'a E na kamarakaki naba i rouia.”

Mataio 17:9

Ngke a tabe n ruo rikaaki mai aon te maunga, ao E kamatoa ana taeka Iesu nako ia ni kangai, “Akea temanna ae kam na tuangnga taekan te baere kam a tia n noria, ni karokoa E a manga kamaiuaki Natin te Aomata mai buakoia maate.”

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mataio 26:2

“Kam ataia b'a ai ti uabong, ao e a roko te Toa are te Riao; ao ane E na kam'aneaki iai Natin te Aomata b'a E na kamateaki n te kaibangaki.”

Mataio 26:47

Ngke E tabe n taetae Iesu, ao e roko Iuta, are temanna i buakoia uake tengauni ma uoman. E airi ma te koraki ae bati ake a uoti kabaang ma kaai n oro. A kam'anangaaki irouia ibonga ake mataniwi ma unimm'aane.

Mataio 27:12

Ma ngke a tabeki aia taeka ni bukibuki ibonga ake mataniwi ma unimm'aane, ao akea ana kaeka Iesu ae anga.

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mataio 28:6

Akea ikai, b'a E a tia ni manga uti, n ai aron are E a tia n taku. Nako mai, nora te tabo are E wene iai.

Mareko 8:31

Ao Iesu, E moanna n reireiniia ana reirei n ana taeka aika kangai: “E riai b'a E na karawawataaki Natin te Aomata, ao b'a E na ribaki irouia unimm'aane ao irouia ibonga ake a kakannato ma taani koroboki; ao b'a E na kamateaki, ao i mwin tenibong, E na manga uti.”

Mareko 9:12

Ao E taku nako ia, “E na bon roko moa Eria b'a e na katauraoi b'aai ni kabane. Ma e aera ngkae e koreaki n te B'aib'ara b'a e na kabatiaki karawawatan Natin te Aomata, ao E na ribaaki?

Ruka 17:25

Ma e na kabatiaaki moa b'ainikirinana ao E na ribaaki irouia kaain te roro aei.

Ruka 24:46

ao E taku nako ia, “E koreaki ae kangai, b'a e riai b'a E na karawawataki ni kamateaki te Kristo, ao E na manga uti mai buakoia maate n te katenibong;

Ruka 9:31

ake a kaoti ni mimitong; ao a taekina matena, are E na kakoroa bukina i Ierutarem.