Mataio 16:18 - Te B'aib'ara

¹⁸ Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Mataio 16:18 ပူးပေါင်းရင်းမြစ်များ

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

2.Tamuera 18:4

Ao e taku Tawita. “E tamaroa ngkana kam taku b'a N na aki.”

Iobi 38:17

Iai ae a tia ni kaoti nako im mataroan abaia maate ake a rotongitong?

Taian Areru 107:18

A aikoa kan tara matan te am'arake, ao a kaani mateia.

Taian Areru 127:5

E a kab'aia te aomata ane iai i rouna kanoani kainikatebe aika ai aron akanne! E na aki kona ni konaaki ngkana e kaitaraa ma aiana n tain te kabowi.

Taian Areru 129:2

Ma ngke I moa n uarereke ao a tia au kairiribai ni b'ainikirinai n te aro ae I rawata iai; Ma a aki kona n tokanikai i aou.

Taian Areru 69:12

A tataekinai i nanoni kawain te kaawa, Ao a karioaki anene aika iai taekau iai irouia taani moi manging.

Taian Areru 9:13

Te UEA, Ko na nanoangaai! Noora b'ainikirinau irouia ake a ribaai. Kararoaai man te mataroa are e kaineta te mate,

Taeka n Rabakau 24:7

E rangi ni m'aiti te wanawana i bukiia nanobaba! Bon akea manenan taeka n reirei.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 28:6

E na nooria b'a e na tautaeka te eti ao a na konaa ni kaawakina aia kaawa ae e buubura ana Aomata.

Itaia 38:10

I taku ngai b'a N nang mate i nanon au bong n rorobuaka ma ni kabureaki n akea au tai i abaia maate.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Iona 2:6

I ruo nakon wakaan maunga, nakon te aba are e kainaki mataroana n aki toki. Ma ngkoe, te UEA ae Atuau, Ko tabekai rake mai nano ma te maiu.

Mataio 10:2

Aikai araia taan tuatua ake tengauni ma uoman: te moa n ara bon Timon, are arana teuana Betero, ao Anterea are tarina; ao Iakobo are natin Tebetaio, ao Ioane are tarina;

Mataio 11:23

Ao ngkami aika kaaini Kaberenaum, kam taku b'a kam na tabekaki rake nako karawa? Kam na teweaki nako nako Eriti! B'a ngke arona b'a a karaoaki i Totom m'akuri aika kamimii aika karaoaki i Kaberenaum, ao e na bon aki mauna ni karokoa te bong aei.

Mataio 18:17

Ma ngkana e aki ongo i rouia, ao ko na taekinna nakon te ekaretia; ao ngkana e rawa n ongo iroun te ekaretia, ao atongnga b'a te ianena ao te tia anai taekiti.

Mataio 4:18

Ngke E nakonako Iesu i rarikin namani Kariraia, ao E noriia taari mm'aane aika uoman, are Timon are arana teuana Betero, ao Anterea are tarina, ngke a kab'aka te karaun n te nama; b'a taan akawa ngaiia.

Mataio 7:24

Ma ngaia aei, b'a ane ongo au taeka aikai ao e iri nanoia, ao ai aron te aomata ae wanawana, are katea ana auti i aon te b'a.

Ioane 1:42

E kairia nakon Iesu; ao Ngaia E taraia ao E taku, “Timon ngkoe ae natin Ioane; ko na aranaki b'a Keeb'a.”

M'akuri 2:47

ao a kamoamoa te Atua, ao a tangiraki irouia aomata. N te bong ae koraki ao a kam'aitaki riki aia koraki taan onimaki iroun te UEA irouia ake a tib'a manga kamaiuaki.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

1.I-Korinto 15:55

Te Mate, e nga am tokanikai? Te Mate, e nga am b'ai ni kaikoaki?”

I-Karatia 2:9

ao Iakobo, ma Keeb'a, ma Ioane, ake a atoatongaki b'a boua, ngke a ata ae E anganai te Atua te mwiokoaki aei, ao a anganai ma B'arenaba angaataia, ao ti iobai ma ngaiia, b'a kaotan aroaro n iraorao ni mwiokoara, ngaira nakoia aomata aika tiaki I-Iutaia, ao ngaiia nakoia I-Iutaia.

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

I-Ebeto 5:32

Bon iai te koaua ae kakannato ae raba i nanon te taeka aei, ma I taku b'a e taekinaki iai Kristo ma te ekaretia.

I-Korote 1:18

Ao Ngaia bon atun te rab'ata, ae te ekaretia; Ngaia ae reke mai Rouna maiun te ekaretia, ao te moa n Nati ni kamaiuaki man te mate, b'a e aonga ni moanibaan te kakannato i aoni b'aai ni kabane.

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Timoteo 3:5

B'a ngkana e babanga te aomata n tau aroia kaain oin ana utu, ao e na kanga ni kawakina ana ekaretia te Atua?

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 21:14

E kateaki te nono aei i aon aana aika tebwi ma uoua, aika koreaki i aoia aara aika tebwi ma uoua aika araia taan tuatua ake tengauni ma uoman, ake ana tia tuatua te Tiibuteteei.