Mataio 15:32 - Te B'aib'ara

³² Ao Iesu E weteia ana reirei nako Ina, ao E taku nako ia, “I nanoangaia aomata aikai, b'a a mena i Rou tenibong ngkai, ao akea kanaia; ao I aki kani kanakoia ngkai a baki, b'a a kawa ni kiro i aoni kawaia.”

Mataio 15:32 ပူးပေါင်းရင်းမြစ်များ

2.Uea 4:42

Temanna te m'aane man te kaawa are B'aaratiaritia are e uoti tabeua taiani uita aika a tib'a koreaki, ao 20 taiani kariki aika a karaoaki man moani uaan te b'aare ake a taiaki. Ao e taku Eritai, “Anganiia aomata b'a a aonga n am'arake.”

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Mataio 14:13

Ngke E ongo taekan Ioane Iesu, ao E kitana ikekei n te booti, ao E nako n te tabo ae akea kaaina ni kaokoroa iai. Ma ngke a ongo taekana aomata, ao a kitan aia kaawa n ri mwina n nakonako ri etan te nama.

Mataio 15:33

Ao a taku ana reirei nako Ina, “E na reke maia i roura n te rereua te am'arake ae na tau i bukiia aomata aika rangi ni m'aiti aikai?”

Mataio 20:34

E nanoangaiia Iesu, ma ngaia are E riingi mataia ao a noraba naba; ao a iria.

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

Mareko 9:22

A m'aiti ana tai te tamnei ae kam'ara aei ni kan tiringnga ngke e kataia n tewea nako nanon te ai ao nako nanon te ran. Ko na nanoangaira ao buokira ngkana Ko boni kona Ngkoe!”

Ruka 7:13

Ngke E nora neierei te Uea, ao E nanoangaia, ao E taku nako ina, “Tai tang!”

M'akuri 27:33

Ngke e a kani ngaina, ao e butiia kaain te kaibuke ni kabaneia B'auro b'a a na am'arake, ao e kaangai, “Ai te katengauni ma abong ngkai ae kam a tia iai ni kakantaninga, ao kam tuai n am'arake naba teutana.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.