Mataio 15:27 - Te B'aib'ara

²⁷ Ao e taku neierei, “Te koaua, te Uea; ma kamea a kangi tamrurun am'arake ake a b'aka man aia taibora aia toka.”

Mataio 15:27 ပူးပေါင်းရင်းမြစ်များ

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Mataio 15:26

Ao Iesu E kaeka ni kangai, “E aki riai te anai kanaia ataei n tetewe nako nakoia kamea.”

Mataio 15:28

E kaekaa ngkanne neierei Iesu ni kangai, “Neiko, e ab'ab'aki am onimaki! E na karaoaki nako im n ai aron ane ko tangiria.” Ao e a kamaiuaki natina n te tai naba arei.

Mataio 5:45

b'a kam aonga n riki b'a natin Tamami are i karawa iai; b'a E kaota ana taai i aoia akana buakaka ma akana babakanikawai.

Mataio 8:8

Ma e kaeka mataniwin te taanga ni buaka are tebubua kaaina, ao e taku, “Te Uea, I aki tau b'a Ko na rin i nanon au auti: ma an taetae naba, ao e a marurung naba au toro.

Mareko 7:28

E taku neierei nako Ina, “Eng, te Uea; ma kamea ake a mena i aan te taibora, a kang tamruruni kanaia ataei!”

Ruka 16:21

ao e kani kaam'arakeaki man tamrurun am'arake ake a b'aka man ana taibora n am'arake teuare kaub'ai; ao a roko kamea n newenewei kaboana.

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

I-Rom 10:12

Te taeka aei bon i bukiia aomata ni kabaneia: b'a akea kaokoron te I-Iutaia ma te I-Erene, b'a ti temanna aia UEA aomata ni kabaneia, ae E kabatiai kab'aiaia aomata nako ake a butiia buokaia;

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 3:29

Ti Atuaia I-Iutaia te Atua, ao tiaki Atuaia naba aomata aika tiaki I-Iutaia?

I-Rom 3:4

E bon aki! Ma e na ataaki b'a e koaua ana taeka te Atua, ao bon taani kewe aomata nako; n ai aron are koreaki ni kaangai: “Ane a na kaotiko am taeka b'a e eti arom; Ao ane ko na tokanikai ngkana e motikaki taekam.”

I-Ebeto 3:19

b'a e aonga naba n iai iroumi te kona n ata tangirami irouni Kristo, are e aki konaaki n ataaki raoi arona, b'a a aonga ni kaonaki maiumi n anuan te Atua ni kabane.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,