Mataio 15:24 - Te B'aib'ara

²⁴ Ao Ngaia E kaekaia ni kangai, “I kanakoaki nakoia ti tiibu ake a bua ake Iteraera.”

Mataio 15:24 ပူးပေါင်းရင်းမြစ်များ

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Mataio 15:23

Ao Ngaia E aki kani kaekaa naba teutana. Ao a roko ana reirei ao a butiia ni kangai, “Ko na kanakoa neiei! B'a ae e a iririra n tatakarua n te aro aei!”

Mataio 18:11

B'a E roko Natin te Aomata b'a E na kamaiuia akana bua.

Mataio 9:36

Ngke E noriia aomata aika rangi ni bati, ao E nanoangaiia: kaanga ai aroia tiibu aika tiku n akea te tia kawakinia.

M'akuri 13:46

Ao a taetae ma te ninikoria B'auro ma B'arenaba ni kaangai, Bon te b'ai ae riai taekinani moa ana taeka te Atua nakoimi. Ma ngkai kam rawa iai, ma ni baireia n ami iango b'a kam aki riai n anganaki te maiu are aki toki, ao noria, ti nangi nako ni kawariia aomata aika tiaki I-Iutaia.

I-Rom 15:8

I tuangngkami b'a E roko Kristo b'a te tia buokiia I-Iutaia, ni kaotia nakoia b'a E a tia ni kakaonimaki te Atua ni kakoroa bukin ana taeka n akoi ake E taekin nakoia aia bakatibu ake a kakannato;